The news is by your side.

Advertisement

بلاول کو بچہ کہنے والے ہاتھ ملا کر دیکھ لیں، خورشید شاہ

کراچی: اپوزیشن لیڈر خورشید شاہ نے کہا ہے کہ مخالفین بلاول بھٹو کو بچہ کہہ کر پوچھتے ہیں یہ شکار کیسے کرے گا خوش فہمی میں رہنے والے لوگ چیئرمین پیپلزپارٹی سے صرف ہاتھ ملا کر دیکھ لیں انہیں نوجوان کی طاقت کا اندازہ ہوجائے گا۔

ان خیالات کا اظہار انہوں نے لیاری میں سلام شہداء ریلی سے خطاب کرتے ہوئے کیا۔ سید خورشید شاہ کا کہنا تھا کہ ’’بلاول کو بچہ کہنے والے اُن سے ہاتھ ملا کر دیکھ لیں کہ جسے وہ بچہ کہتے ہیں وہ کتنا طاقت ور نوجوان ہے‘‘۔

پڑھیں:  سندھ کو تقسیم کرنیکی بات کرنے والے خود بکھر گئے، بلاول بھٹو

اپوزیشن لیڈر نے کہا کہ بے نظیر کی واپسی پر لوگوں نے انہیں روکنے کی کوشش کی مگر وہ ملک میں جمہوریت کی بقاء کے لیے واپس آئیں کیونکہ بھٹو خاندان قربانیوں سے ڈرتا نہیں اور نہ ہی خفیہ معاہدہ کر کے ملک سے فرار ہوتا ہے‘‘۔

انہوں نے کہا کہ ’’ذوالفقار علی بھٹو نے جو مشن شروع کیا آج اُس کارواں کو بلاول لیڈ کررہے ہیں کیونکہ ہم صرف اللہ کے سامنے جھکتے نہ ہی کسی دہشت گرد سے خوفزدہ ہوکر اُس کے سامنے جھکتے ہیں‘‘۔

مزید پڑھیں:ریلی کے نام پر کراچی کو یرغمال بنایا جا رہا ہے،عمران اسماعیل

 اس موقع پر خورشید شاہ نے 18 اکتوبر کو سانحہ کارساز میں جاں بحق ہونے والے افراد کو سلام پیش کرتے ہوئے کہا کہ ’’بھٹو کے جیالے ہنستے ہنستے جان دیتے ہیں جبکہ ہمارے مخالفین برے وقت میں خفیہ معاہدے کر کے اپنی جان اور مال کو محفوظ بناتے ہوئے معاہدے کرلیتے ہیں‘‘۔

Comments

comments

یہ بھی پڑھیں