site
stats
پاکستان

اپوزیشن لیڈر خورشید شاہ اور شیخ رشید کے درمیان ملاقات

اسلام آباد: قومی اسمبلی میں پیپلز پارٹی کے اپوزیشن لیڈر خورشید شاہ اور عوامی مسلم لیگ کے سربراہ شیخ رشید کے درمیان ملاقات ہوئی۔ ملاقات میں وزیر اعظم پر مستعفی ہونے کے لیے دباؤ بڑھانے پر غور کیا گیا۔

تفصیلات کے مطابق عوامی مسلم لیگ کے سربراہ شیخ رشید احمد نے پارلیمنٹ ہاؤس میں اپوزیشن لیڈر سید خورشید شاہ سے ملاقات کی۔ ملاقات میں پاناما کیس کی جے آئی ٹی کی رپورٹ کے پیش نظر وزیر اعظم پر مستعفی ہونے کے لیے دباؤ بڑھانے کے مختلف پہلوؤں پر غور کیا گیا۔

ملاقات کے بعد میڈیا سے گفتگو میں شیخ رشید نے کہا کہ وزیر اعظم کے استعفیٰ کے ایک نکاتی ایجنڈے پر تمام اپوزیشن کو اکٹھا کیا جائے گا جس کے لیے ہر آپشن کے لیے تیار ہیں۔

ان کا کہنا تھا کہ موجودہ حالات میں اپوزیشن کے اتحاد پر سب متفق ہیں۔

مزید پڑھیں: وزیر اعظم استعفیٰ نہیں دیں گے، اجلاس میں فیصلہ

یاد رہے کہ پاناما کیس کی تفتیش کے لیے بنائی جانے والی جے آئی ٹی کی رپورٹ سامنے آنے کے بعد وزیر اعظم نواز شریف پر مستعفی ہونے کے لیے دباؤ بڑھ گیا ہے۔

رپورٹ میں وزیر اعظم اور ان کے خاندان کو قصور وار قرار دیتے ہوئے ان کے خلاف کارروائی کی سفارش کی گئی ہے۔

حکومتی جماعت مسلم لیگ ن بھی وزیر اعظم کے استعفے کی معاملے پر اختلاف کا شکار ہے۔

دوسری جانب وزیر اعظم نواز شریف نے مستعفی نہ ہونے کا دو ٹوک اعلان کردیا ہے۔


Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top