چوہدری نثار پندرہ دن حراست میں رہیں ہرجرم قبول کرلینگے، خورشید شاہ -
The news is by your side.

Advertisement

چوہدری نثار پندرہ دن حراست میں رہیں ہرجرم قبول کرلینگے، خورشید شاہ

سکھر : قومی اسمبلی میں اپوزیشن لیڈر خورشید شاہ نے کہا ہے کہ وزیرداخلہ چوہدری نثار پندرہ دن حراست میں رہیں ہرجرم قبول کرلیں گے۔

رینجرز اختیارات سے متعلق حکومت سے کوئی جنگ نہیں چھیڑی، ایک شخص کے معاملے کو اتنا اچھالنا مناسب نہیں ہے، کیا ان تمام معاملات کے پیچھے میاں نواز شریف کا ہاتھ ہے،؟

ان خیالات کا اظہار انہوں نے میڈیا سے گفتگو کرتے ہوئے کیا،ان کا کہنا تھا کہ چوہدری نثارصرف پندرہ روز قیدوبند کی صعوبتیں جھیلیں تو ہرجرم قبول کرلیں گے۔

اسحاق ڈار نے منی لانڈرنگ کا اعتراف کیا۔ کیا ان تمام معاملات کے پیچھے میاں نواز شریف کا ہاتھ ہے، میاں صاحب سےکہا تھا کہ آپ کی آستین کےسانپ آپ سے لڑرہے ہیں اسی سازش میں ملوّث گروہ اب پھر سے سرگرم ہے۔

انہوں نے کہاکہ حکومت کے خلاف دو ہزار چودہ میں بھی سازش ہوئی تھی۔ خورشید شاہ کا کہنا تھا کہ  سندھ سے زیادہ دیگر صوبوں میں دہشت گردی ہوئی،کیا پنجاب میں دہشت گردی ختم ہوگئی ہے؟

ایک صوبےکوٹارگٹ کرنافیڈریشن کےساتھ کھیلنےکےمترادف ہے۔ رینجرز اختیارات سے متعلق سندھ حکومت نےکوئی جنگ نہیں چھیڑی۔ وزیر اعظم واپس آئیں گے تو ان سے اسمبلی میں بات کروں گا۔

Comments

comments

یہ بھی پڑھیں