The news is by your side.

Advertisement

دو بڑوں کی جنگ میں اسد عمر کو ہٹایا گیا ،خورشیدشاہ

عمران خان نے سہانے خواب دکھائے اور دھوکا دیا

سکھر : پیپلزپارٹی کے سینیئر رہنما خورشید شاہ عمران خان نے سہانے خواب دکھائے اور دھوکا دیا، ہمیں دعا کرنی چاہیےکہ ہمارے ملک کی خیر ہو ، دو بڑوں کی جنگ میں اسد عمر کو ہٹایا گیا۔

تفصیلات کے مطابق پیپلزپارٹی کے سینیئر رہنما خورشید شاہ نے میڈیا سے گفتگو میں کہا وزارتوں کی تبدیلیاں عام سی چیزیں ہیں ، عمران خان نے سہانے خواب دکھائے اور دھوکا دیا ، اسد عمر جیسے لوگوں کو قرضوں اور تمام چیزوں کا علم تھا ، علم ہونےکےباوجودکہا90 دن میں تبدیلی لائیں گے ، آنے کے بعد صرف کچھ نہیں ہےکارونا رویا گیا۔

خورشیدشاہ کا کہنا تھا وزیراعظم بھارت سےکشیدگی پرساتھ بیٹھنےکوتیارنہیں تھے، عمران خان سنگین حالات میں ساتھ نہیں بیٹھےاب کیابیٹھیں گے، اسد عمر کی ناکامی پرناکامی کےباعث تبدیلی تونظرآرہی تھی، معیشت اتنی خراب ہوئی کہ آئی ایم ایف کی اپنی شرائط آگئیں۔

عمران خان نے سہانے خواب دکھائے اور دھوکا دیا

پی پی رہنما نے کہا چاروں صوبوں کو ہم نے اختیارات دیے تھے ، ان کےہاتھ میں کچھ نہیں فواہدچوہدری کواپنا نہیں پتہ تھا ، ہمیں دعا کرنی چاہیےکہ ہمارے  ملک کی خیر ہو ، عمران نے چین میں جاکر جو تقریر کی توپھریہاں کون آئے گا ، عمران خان کی تقریر میں یہی تھا کہ پاکستان میں کرپشن ہے۔

ان کا کہنا تھا اسد عمر کو ملکی اقتصادیات کاکوئی تجربہ نہیں تھا، ملکی معیشت کےحالات اورگردشی قرضوں سےاسدعمرواقف تھے، اس کے باوجود بھی اسد عمر نے عوام کو خواب دکھائے۔

خورشید شاہ نے کہا ہم سیاستدان ہیں ناکامی تسلیم کرنی چاہیے، حکومتی ناکامی پر سیاست نہیں کریں گے، کہتے آرہے تھے پالیسیوں سے معاشی حالات خراب ہوں گے۔

شہریار آفریدی کواعجاز شاہ کے کہنے پر ہٹا یا گیا

رہنما پیپلز پارٹی کا کہنا تھا دو بڑوں کی جنگ میں اسد عمر کو ہٹایا گیا، شہریار آفریدی کواعجاز شاہ کے کہنے پر ہٹا یا گیا، شہریار آفریدی پی ٹی آئی کا بنیادی کارکن ہے۔

انھوں نے مزید کہا ہم نے 80 لاکھ خواتین کو امداد دی، آج حالات یہ ہیں خاکروب کی نوکری بھی نہیں ، ہم ساری قوم کے آگے کھڑے ہونےکو تیار ہیں ، میں نواز شریف کو بھی کہتا تھا پارلیمنٹ میں آؤ وہ نہیں آئے، عمران خان کو بھی ہم نے کہا کہ پارلیمنٹ میں آؤ لیکن عمران خان کے ذہن میں ابھی بھی کنٹینر ہے۔

خورشیدشاہ کا کہنا تھا ساری چیزیں پارلیمنٹ میں لائیں گےتو ملک ترقی کرنےلگے گا ، عبدالحفیظ شیخ پیپلزپارٹی کے وزیر خزانہ رہے، ثابت ہوا حکومت کوپیپلز پارٹی کی ضرورت پڑی ہے، مختلف پارٹیوں کوجمع کرکےپی ٹی آئی کا وجودعمل میں لایا گیا، اس حکومت میں حکمران محفوظ نہیں ہیں۔

قیمتوں میں جیسےاضافہ کیا گیا تو ڈر ہے لوگ بجلی خریدنا نہ چھوڑ دیں

پی پی رہنما نے کہا قیمتوں میں جیسےاضافہ کیا گیا تو ڈر ہے لوگ بجلی خریدنا نہ چھوڑ دیں، عمران خان سے مولانا فضل الرحمان کا استعفے کامطالبہ ٹھیک ہے، ان ہاؤس تبدیلی بھی ہوسکتی ہے، نواز شریف نے پارلیمنٹ کی بالادستی تسلیم نہیں کی اور عمران خان بھی پارلیمنٹ کی بالادستی کو تسلیم کرنے کو تیار نہیں، خورشید شاہ

ان کا کہنا تھا معیشت کامسئلہ پارلیمنٹ میں لائیوحل ہوجائے گا، چیلنج کرتاہوں مسئلہ پارلیمنٹ میں حل نہ ہواتوسیاست چھوڑدوں گا۔

Comments

comments

یہ بھی پڑھیں