The news is by your side.

Advertisement

بلاول بھٹو کی تقریر پر عمران خان کی تنقید چھوٹا پن ہے، خورشید شاہ

سکھر : پیپلزپارٹی کے سینیئر رہنما خورشید شاہ نے وزیر اعظم عمران خان پر کڑی تنقید کرتے ہوئے کہا بلاول کی تقریر پر عمران کی تنقید چھوٹا پن ہے، بد قسمتی سے ابھی انہیں قومی سیاست کرنا نہیں آئی۔

تفصیلات کے مطابق سکھر میں پیپلزپارٹی کے سینیئر رہنما خورشید شاہ نے میڈیا سے گفتگو کرتے ہوئے کہا بلاول کی انگریزی میں تقریر پر عمران کی تنقید چھوٹا پن ہے بد قسمتی سے ابھی انہیں قومی سیاست کرنا نہیں آئی ہے، ان کوتقریر اس لیےسمجھ نہیں آئی کیونکہ وہ پارلیمنٹ آتے ہی نہیں۔

خورشید شاہ کا کہنا تھا کہ بلاول بھٹوکی تقریرمستقبل کی حکمت عملی پرتھی جوانہیں سمجھ نہیں آئی، کابینہ میں جو فیصلے کرتے ہیں وہ کسے خوش کرنے کیلئے کرتے ہیں ہم نے ہمیشہ سیاسی اتفاق رائے پیدا کرنے کی کوشش کی ہے۔

بھارت کے حوالے سے پی پی رہنما نے کہا بھارتی شکست کی وجہ وہاں کے سیاست دانوں کاایک نظریے پر نہ ہوناہے بھارت میں 2نظریے ہیں،م ودی جنگ ،دوسرے امن چاہتے ہیں۔

ان کا کہنا تھا حکومت ایک طرف بلاتی ہےدوسری طرف ان کالیڈرتنقید کرتاہے، عمران خان کے متنازع رویے کے باوجود پارلیمنٹ میں ایک لفظ نہیں کہا، یہ دہرا معیار ہے۔

مزید پڑھیں : بلاول نے اسمبلی میں جو تقریرکی وہ کسی کو سمجھ ہی نہیں آئی، وزیراعظم

یاد رہے گذشتہ روز وزیر اعظم عمران خان نے چھاچرو میں جلسے سے خطاب میں بلاول بھٹو کی تقریر سے متعلق کہا تھا کہ ایک شخص زرداری کا نام بدل کر بھٹو رکھ کے خود ساختہ لیڈر بن گیا، بلاول نے اسمبلی میں جو تقریرکی وہ کسی کو سمجھ ہی نہیں آئی، بلاول یوٹرن اچھی چیز ہے مشکل وقت سے بچاتی ہے۔

عمران خان کا کہنا تھا کہ یوٹرن کا مطلب سمجھتے تو اتنی مشکل میں نہیں آتے، پرویز مشرف نے امریکا کے دباؤ میں آکر آپ کے والد کو این آر او دے دیا، اگر اس وقت آپ کرپشن سے یوٹرن لیتے تو آج عدالتوں کے چکر نہ کاٹ رہے ہوتے، آج آپ کو والد نے پھنسا دیا ہے کیونکہ آپ کا بھی نام آگیا ہے۔

Comments

comments

یہ بھی پڑھیں