The news is by your side.

Advertisement

خورشید شاہ نے ایک بارپھروزیراعظم سے استعفیٰ کا مطالبہ کردیا

اسلام آباد : قومی اسمبلی میں قائد حزب اختلاف خورشید شاہ نے ایک بار بھر وزیر اعظم سے مستعفی ہونے کا مطالبہ کردیا، انہوں کہا ہے کہ شریف برادران عدلیہ کو نشانہ بنا رہے ہیں، نواز شریف جمہوریت بچانے کیلئے مستتعفی ہوجائیں۔

ان خیالات کا اظہار انہوں نے اسلام آباد میں میڈیا سے گفتگو کرتے ہوئے کیا، خورشید شاہ نے کہا کہ عوام جانتے ہیں کہ شریف خاندان براہ راست عدلیہ کو نشانہ بنا رہا ہے۔ میرا میاں صاحب کیلئے مخلصانہ مشورہ ہے کہ وہ اپنی جماعت، پارلیمنٹ اور جمہوریت کیلئے وزیر اعظم کے عہدے سے استعفی دیدیں۔

اپویشن لیڈر نے کہا کہ وزیراعظم کو معلوم ہے کہ پانامہ کیس میں ان کے پاس کوئی دستاویزات نہیں۔ انہوں نے قطر کے معاملے پر ابھی تک اپنی پوزیشن واضح نہیں کی۔

انہوں نے اپنے پیروں پر خود کلہاڑی ماری، انہوں نے کہا کہ جے آئی ٹی ابھی تک شفاف طریقے سے کام کر رہی ہے ہم نے جے آئی ٹی کو ہمیشہ سپریم کورٹ کا حصہ سمجھا ہے۔

خورشید شاہ کا چیئرمین پی ٹی آئی کے حوالے سے کہنا تھا کہ عمران خان نے بھی بلاواسطہ قومی خزانے کو نقصان پہنچایا ہے۔

فارن فنڈنگ کرکے قانون کے ساتھ مذاق کیا ہے۔عمران خان خود بھی چوری کے زمرے میں آتا ہے اس کو سوچ سمجھ کربات کرنی چاہئیے۔

Print Friendly, PDF & Email

Comments

comments

یہ بھی پڑھیں