The news is by your side.

Advertisement

حامد خان نے جو فواد خان کو بولا، اگر میں‌ ہوتا تو خودکشی کرلیتا، خورشید شاہ

 پنو عاقل: پیپلزپارٹی کے رہنما اور رکن قومی اسمبلی خورشید شاہ نے کہا ہے کہ حامد خان نے جو بات فواد چوہدری کے لیے بولی اگر مجھے کو ئی ایسا بولتا تو سیاست چھوڑ کر خود کشی کرلیتا۔

سرکاری اسپتال کے دورے کے بعد میڈیا سے گفتگو کرتے ہوئے پیپلزپارٹی کے رہنما نے تحریک انصاف کی قیادت اور حکومت پر تنقید کی، اُن کا کہنا تھاکہ اگر حکومت پی پی کو جیلوں میں ڈالے گی تو ہم اس کے لیے تیار ہیں۔

اُن کا کہنا تھا کہ جو بات حامد خان نے فواد چوہدری کے لیے بولی اگر مجھے میری جماعت کا کوئی شخص بولتا تو میں سیاست چھوڑ کر خودکشی کرلیتا کیونکہ ایسے الزامات کے بعد ساتھ رہنے کا جواب پیدا نہیں ہوتا۔

مزید پڑھیں: بلاول بھٹو کی نواز شریف سے ملاقات صدی کا سب سے بڑا یوٹرن ہے، فواد چوہدری

اُن کا کہنا تھا کہ حکومت اگر سوچ رہی ہے کہ وہ اپوزیشن کو جیل میں ڈال کر اکیلے اسمبلی چلا لے گی تو یاد رکھے ہم نے ماضی میں آمر کا مقابلہ کیا اور مستقبل میں بھی ہر سازش سے لڑیں گے۔

بلاول بھٹو کی نوازشریف سے ملاقات پر فواد چوہدری کا ردعمل

دوسری جانب وفاقی وزیر اطلاعات فواد چوہدری نے بلاول بھٹو کی نوازشریف سے ملاقات پر ردعمل دیتے ہوئے کہا ہے کہ چیئرمین پیپلزپارٹی نے نوازشریف سے مل کر رواں صدی کا سب سے بڑا یوٹرن لیا۔

اُن کا کہنا تھا کہ ’ذوالفقار علی بھٹو نے نواسے نے ضیاء الحق کے منہ بولے بیٹے سے ملاقات کی اور بھٹو کے خون سے میثاق صلح کیا۔اُن کا مزید کہنا تھا کہ مسلم لیگ ن سے مایوس نوازشریف کے ملاقاتی اب بلاول ہی رہ گئے تھے، مایوسیوں میں جکڑے سیاستدانوں کو ملاقات میں بھی مایوسی ہی ملی‘۔

یہ بھی پڑھیں: بلاول بھٹو نے سنت کے مطابق نواز شریف کی عیادت کی: نیئر بخاری

فواد چوہدری نے کا کہنا تھا کہ نواز شریف اپنی پارٹی سے بڑے نالاں ہیں، ان کی صحت پر اپوزیشن سیاست کررہی ہے اور یہ اُسی کی خواہش ہے کہ نوازشریف کا علاج نہ ہو اور نہ ہی وہ روبہ صحت ہوں۔

Comments

comments

یہ بھی پڑھیں