site
stats
سندھ

سستی روٹی، آشیانہ اسکیم اور دانش اسکول پر قوم کو بے وقوف بنایا گیا، خورشید شاہ

سکھر :  قومی اسمبلی میں قائد حزب اختلاف خورشید شاہ نے کہا ہے کہ دو روپے کی روٹی ، آشیانہ اسکیم ، دانش اسکول کے نام پر اور بے وقوف بناتے رہے یہ سارے پروجیکٹس اب کہاں گئے؟ ملک میں پانی نہیں، گیس نہیں ، بجلی نہیں بس دو چار موٹے موٹے پروجیکٹ نظر آتے ہیں۔

وہ سکھر میں کینسراسپتال کے سنگ بنیاد رکھنے کی تقریب سے خطاب کر رہے تھے انہوں نے کہا کہ  پانی، گیس اوربجلی بند ہے لیکن نوازشریف بڑے بڑے پروجیکٹس کا افتتاح کررہے ہیں اور یہ سمجھ رہے ہیں کہ عوام بے وقوف ہیں اور حقیقت سے آگاہ نہیں۔

خورشید شاہ نے کہا کہ اورنج لائن منصوبہ ہو یا آشیانہ اسکیم ہو صرف لاہورکے لیے تھیں پنجاب کی صوبائی اور وفاقی حکومت نے غریب عوام کے خون پسینے کا پیسہ صرف لاہور پرخرچ کیا جب بقیہ ماندہ صوبے کی حالت انتہائی ابتر ہے۔

اپوزیشن لیڈرخورشید شاہ نے کہا کہ سرحد پرفائرنگ وزارت خارجہ کی ناکامی ہے اور وزارت خارجہ کا منصب وزیراعظم نوازشریف کے پاس ہے اس لیے وزیراعظم سے سوال ہونا چاہیے۔

انہوں نے کہا کہ ماضی میں گرتی ہوئی حکومت کوسنبھال کرنوازشریف کوتھمایا لیکن وزیراعظم نے اپنی روایتی ہٹ دھرمی اور کم ظرفی کا مظاہرہ کیا لیکن اب ملک کےحالات کے پیش نظراپوزیشن متحد ہوسکتی ہے۔

خورشید شاہ  نے کہا کہ پیپلزپارٹی نے جےآئی ٹی کو پہلے ہی مسترد کردیا تھا کیوں کہ وزیراعظم کے ماتحت جےآئی ٹی کیا کرے گی یہ اللہ ہی جانتا ہے۔

انہوں نے کہا کہ عدالت نے نوازلیگ کا قطری خط عدالت نے مسترد کیا ہے تاہم عدالتی فیصلے پر زیادہ تبصرہ نہیں کروں گا لیکن یہ خواہش ضرور ہے کہ جو فیصلے میں لکھا ہے اس پرعمل ہونا چاہیے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top