site
stats
پاکستان

الیکشن کمیشن ممبران کی تقرری: اسحاق ڈار کی خورشید شاہ سے ملاقات

الیکشن کمیشن ممبران کی تقرری کیلئے سیاسی رابطے جاری ہیں، اس حوالے سے وفاقی وزیرخزانہ اسحاق ڈار نے اپوزیشن لیڈرسید خورشید شاہ سے ملاقات کی جس میں ممبران کی تقرری کے معاملے پر بات چیت کی گئی۔

تفصیلات کے مطابق الیکشن کمیشن کے ارکان کی مدت مکمل ہونے کے بعد الیکشن کمیشن نامکمل ہے۔ جس پرسپریم کورٹ کو مداخلت کرنا پڑی۔

چیف جسٹس آف پاکستان نے ازخود نوٹس میں ستائیس جولائی تک الیکشن کمیشن مکمل کرنے کی ہدایت بھی کردی ہے۔ اپوزیشن لیڈر خورشید شاہ سے اسحاق ڈار کی ملاقات میں دونوں رہنماؤں نے الیکشن کمیشن کے ممبران کی تقرری کا عمل مدت ختم ہونے سے پہلے مکمل کرنے کا عزم کا اظہار کیا۔

یاد رہے کہ الیکشن کمیشن کے ارکان کی تقرری کیلئے دونوں رہنماء 12 اور 17 جولائی کو بھی ملاقا تیں کر چکے ہیں، ذرائع کا کہنا ہے کہ ملاقات میں اس بات پر اتفاق کیا گیا کہ ممبران کی تقرری میرٹ پر ہو گی تاکہ ملک میں منصفانہ اور غیر جانبدارانہ شفاف انتخابات کے عمل کو یقینی بنایا جا سکے۔

ذرائع کا یہ بھی کہنا ہے کہ وزیر خزانہ اسحاق ڈار آج وزیر اعظم نواز شریف کو مذکورہ ملاقات سے متعلق بریفنگ بھی دیں گے، اس کے علاوہ کل خورشید شاہ سے اسحاق ڈار کی دوبارہ ملاقات بھی ہوگی۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top