عوام کو اب پاکستان پیپلزپارٹی کا دور یاد آئے گا، خورشید شاہ
The news is by your side.

Advertisement

عوام کو اب پاکستان پیپلزپارٹی کا دور یاد آئے گا، خورشید شاہ

اسلام آباد : پیپلزپارٹی کے رہنما خورشید شاہ کا کہنا ہے کہ عوام کو اب پاکستان پیپلزپارٹی کا دور یاد آئے گا،ٹیکس کےنئےنظام سے لگتا ہے عمران خان کی حکومت ٹیکس لگانےکیلئے ہی آئی ہے۔

تفصیلات کے مطابق اسلام آباد میں پیپلزپارٹی کے رہنما خورشید شاہ نے میڈیا سے گفتگو کرتے ہوئے کہا بلدیاتی نظام خالصتاً صوبائی معاملہ ہے، حکومت پورے ملک میں مرضی کا بلدیاتی نظام نہیں لاسکتی۔

خورشید شاہ کا کہنا تھا کہ بلدیاتی نظام کا اختیار صوبائی حکومتوں کے پاس ہے، وفاقی حکومت صرف پنجاب یا کے پی سے متعلق فیصلہ کرسکتی ہے۔

پی پی رہنما نے کہا عوام کو سہانے خواب دکھائے گئے کہ دودھ کی ندیاں بہا دیں گے، دعویٰ کیا گیا تھا کہ ڈاکوؤں کو پکڑ کر پیسا واپس لاؤں گا، گیس، پٹرول و دیگر چیزوں پر ٹیکس غریب کی جیب سے نکالا جارہا ہے۔

ان کا کہنا تھا کہ سسٹم ٹھیک کرنے کے لئے ایف بی آرچیئرمین پارلیمنٹ کو لگانا چاہیے، دنیا میں سب سے کم ٹیکس ریشو پاکستان کا ہے۔

خورشید شاہ نے کہا کہ عوام کو اب پاکستان پیپلزپارٹی کا دوریادآئےگا، پیپلزپارٹی نے کبھی غریب کے استعمال کی چیزیں مہنگی نہیں کیں، منی بجٹ دیکھ کر لگتا ہےعمران خان غریبوں پر ٹیکس لگانے آئے ہیں۔

مزید پڑھیں : عمران خان نے جو وعدے کئے 30سالہ کیریئرمیں نہیں سنے، خورشید شاہ

یاد رہے چند روز قبل پیپلزپارٹی کے رہنما خورشید شاہ کا کہنا تھا کہ کوشش ہوگی حکومت کو کام کرنے دیں، عمران خان نے جو وعدے کئے تیس سالہ کیریئرمیں نہیں سنے۔

رہنما پیپلزپارٹی نے کہنا تھا ہم چاہتے ہے کہ ملک میں جمہوریت ہو، 5 سال مکمل کرنے کا سابقہ حکومت کو بھی موقع دیا تھا، موجودہ حکومت کو بھی موقع دیں گے کہ وہ اپنے وعدے پورےکرے۔

انھوں نے مزید کہا تھا کہ حکومت نےعوام سےکیے وعدےپورے نہ کیے تو احتجاج کرینگے، 50 لاکھ گھروں کیلئے 5 ہزار کھرب کی رقم چاہیے۔

Comments

comments

یہ بھی پڑھیں