بینرز نہیں ہٹائے؟آستینیں چڑھانے والے وزراء کی جرات کہاں گئی،خورشید شاہ -
The news is by your side.

Advertisement

بینرز نہیں ہٹائے؟آستینیں چڑھانے والے وزراء کی جرات کہاں گئی،خورشید شاہ

اسلام آباد: قائد حزب اختلاف خورشید شاہ نے دارلخلافہ سمیت ملک بھر میں آرمی چیف کی تصاویر والے بینرز پر تشویش کا اظہار کرتے ہوئے کہا کہ بینرز لگانے والے پاک فوج کے ہمدرد نہیں۔

شہر اقتدار سے جاری ایک بیان میں قائد حزب اختلاف خورشید شاہ نے کہا کہ اسلام آباد سمیت مختلف شہروں میں ایک برائے نام پارٹی کے سربراہ نے شاہراہوں پر خلاف آئین بینرز لگوائے جس سے خود جنرل راحیل کی پوزیشن پر سوالیہ نشان آیا، پورا یقین ہے کہ آرمی چیف کو اس سیاست کا علم بھی نہیں ہو گا۔

تفصیلات جانیے :  آرمی چیف کی تصاویر والے بینرز مختلف شہروں میں آویزاں

خورشید شاہ نے حکومت کو آڑے ہاتھ لیتے ہوئے کہ حکومت میں اتنی بھی جرات نہ ہوئی کہ وہ ان بینروں کو اتارنے کا حکم دیتی، آستینیں چڑھا کر باتیں کرنے والے وزراء کی جرات کہاں چلی گئی یہ بینرز حکومتی رٹ کیلئے کھلا چیلنج تھے۔

خورشید شاہ نے کہا کہ ان بینرز سے قابل فخر جنرل راحیل شریف کی اپنی پوزیشن پر بھی سوالیہ نشان لگا، یقین ہے کہ ان بینروں کے ذریعے کی گئی سیاست کا جنرل راحیل شریف کو علم بھی نہیں ہو گا۔

مزید جانیے: آئی ایس پی آر کا فوج کی حمایت میں آویزاں پوسٹرز سے اظہار لاتعلقی

قائد حزب اختلاف نے کہا کہ مودی کے دوستوں کی نظروں میں مقبوضہ کشمیر کے نہتے عوام کی کوئی بھی حیثیت نہیں کیونکہ ان کی سیاست صرف آزاد کشمیر میں دھینگا مشتی کرنے اور گالیاں دینے تک ہی محدود ہے۔

Comments

comments

یہ بھی پڑھیں