site
stats
پاکستان

ڈان لیکس کے معاملے پر کچھ نہیں ہو گا ،خورشید شاہ

اسلام آباد: قومی اسمبلی میں اپوزیشن لیڈرخورشید شاہ نے کہا ہے کہ ڈان لیکس کے معاملے پر کچھ نہیں ہوگا، چھوٹے سرکاری ملازم کو قربانی کا بکرا بنایا جائے گا، جو رپورٹ آنے والی ہے سب کو پہلے سے معلوم ہے، ڈان لیکس پر چوہدری نثار پہلے ہی کہہ چکے ہیں کہ کمیشن متفق نہیں ہے۔

تفصیلات کے مطاقب اپوزیشن لیڈر خورشید شاہ نے کہا کہ ڈان لیکس کے معاملے پر ریاست کو سڑکوں پر گھسیٹا گیا، ڈان لیکس رپورٹ میں کوئی بڑی چیز سامنے نہیں آئے گی،
ڈان لیکس پر چوہدری نثار پہلے ہی کہہ چکے ہیں کہ کمیشن متفق نہیں ہے۔

خورشید شاہ نے کہا کہ اسلام آباد میں امن و امان کے چوہدری نثار کے دعوے بے نقاب ہوگئے ہیں، اسلام آباد میں سیکورٹی پر 7 ارب روپے لگے لیکن حالت یہ ہے کہ یہاں سفارکار تک محفوظ نہیں، نیوزگیٹ اسکینڈل میں اصل ذمہ داروں کو کچھ نہیں ہوگا، کسی چھوٹے سرکاری ملازم کی قربانی دے جائے گا۔


مزید پڑھیں : نوازشریف پارلیمنٹ اور سیاست کو بچانے کیلئے مستعفی ہوجائیں، خورشید شاہ


اپوزیشن لیڈر نے کہا کہ نیوزگیٹ اسکینڈل ریاست کو گلیوں میں گھسیٹا گیا، نیوزگیٹ اسکینڈل سے دشمنوں کو مدد پہنچائی گئی، اپوزیشن کو تقسیم نہیں ہونے دیا جائیگا، عمران خان ایک سمجھدار سیاستدان ہیں۔حکمران کسان دشمن ہیں۔

اسلام آباد کی سیکیورٹی سے متعلق خورشید شاہ کا کہنا تھا کہ اسلام آباد میں ہی کینڈین شہری کو لوٹ لیا گیا، ملک میں گورننس نام کی کوئی چیز نہیں، اپوزیشن کو گو نواز گو تحریک میں تقسیم نہیں ہونے دیا جائے گا۔ حکومت کی پالیسیاں کسان دشمن ہیں، کسانوں پر باردانے کے لیے لاٹھی چارج ہوا جو باعث تشویش ہے۔

یاد رہے دو روز قبل اپوزیشن لیڈر خورشید شاہ نے کہا تھا کہ ہم نے پہلے وزیراعظم کو استعفیٰ نہ دینے کا کہا تھا، اب اگر نواز شریف جے آئی ٹی میں سرخرو ہوتے ہیں تو دوبارہ وزیراعظم بن جائیں گے، لیکن سمجھ میں نہیں آتا کہ وہ استعفیٰ کیوں نہیں دے رہے؟


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگر آپ کو یہ مضمون پسند آیا ہے تو اسے اپنی فیس بک  وال پرشیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top