بغیر اعتماد میں لیے قومی اسمبلی کا اجلاس ملتوی کرنا مذاق ہے: خورشید شاہ -
The news is by your side.

Advertisement

بغیر اعتماد میں لیے قومی اسمبلی کا اجلاس ملتوی کرنا مذاق ہے: خورشید شاہ

اسلام آباد: پیپلز پارٹی کے رہنما اور اپوزیشن لیڈر خورشید شاہ نے عندیہ دیا ہے کہ ان کی جماعت نے قومی اسمبلی کا اجلاس بلانے کے لیے ریکوزیشن جمع کروانے کا فیصلہ کر لیا ہے۔ دوسری جانب سینئر رہنما نوید قمر نے کہا ہے کہ وہ پارلیمانی رہنماؤں کے اجلاس میں جانے کے لیے تیار ہیں۔

تفصیلات کے مطابق اپوزیشن لیڈر خورشید شاہ نے شکوہ کیا کہ ماضی کی روایت کے برخلاف اسپیکر قومی اسمبلی نے بغیر اعتماد میں لیے قومی اسمبلی کا اجلاس غیر معینہ مدت تک ملتوی کر دیا۔

انہوں نے کہا کہ پیپلز پارٹی نے اسمبلی کا اجلاس بلانے کے لیے ریکوزیشن جمع کروانے کا فیصلہ کر لیا ہے۔ پیپلز پارٹی پرانی مردم شماری پر الیکشن کے لیے تیار ہے لیکن ہم قبل از وقت الیکشن نہیں چاہتے۔

مسلم لیگ ن کی سیاسی جماعتوں کو منانے کی کوششوں پر تبصرہ کرتے ہوئے انہوں نے کہا کہ بڑی دیر کر دی مہرباں آتے آتے۔

دوسری جانب سینئر رکن اسمبلی نوید قمر نے پارلیمانی رہنماؤں کے اجلاس میں جانے کے لیے آمادگی ظاہر کر دی ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں