The news is by your side.

Advertisement

راحیل شریف کبھی متنازع نہیں رہے، خورشید شاہ

اسلام آباد : قومی اسمبلی میں اپوزیشن لیڈر سید خورشید شاہ نے کہا ہے کہ میں نے پہلے ہی کہہ دیا تھا کہ جنرل راحیل شریف توسیع نہیں لیں گے، راحیل شریف ان فوجی سربراہان میں سے ایک ہیں جو متنازع نہیں رہے۔

ان خیالات کا اظہار انہوں نے اسلام آباد میں میڈیا سے گفتگو کرتے ہوئے کیا، انہوں نے کہا کہ خورشید شاہ نے کہا ہے کہ میں نے پہلے ہی کہا تھا جنرل راحیل شریف اپنی مدت ملازمت میں توسیع نہیں لیں گے۔

سید خورشید شاہ نے کہا کہ راحیل شریف ان فوجی سربراہان میں سے ایک ہیں جو کبھی متنازع نہیں رہے۔ آرمی چیف نے تاریخی دور گزارا۔ انہوں نے اپنے دور میں بہت سے چلینجز کا جواں مردی سے مقابلہ کیا۔

راحیل شریف باوقار انداز میں رخصت ہو رہے ہیں، سید خورشید شاہ نے کہا کہ میری حکومت سے گزارش ہے کہ سینئر موسٹ افسران کو چیئرمین جوائنٹ چیفس آف اسٹاف کمیٹی اور آرمی چیف کے عہدوں پر ترقی دی جائے، ایسا کرنے سے فوجی افسران کا مورال بلند ہو گا۔

Print Friendly, PDF & Email

Comments

comments

یہ بھی پڑھیں