The news is by your side.

Advertisement

وزیر اعظم بننے کے لیے سیاست دان ماں بیچنے کو تیار ہوتے ہیں، سرل المیڈا کی ہرزہ سرائی

یہ کسی ایک کو نہیں تمام سیاست دانوں کو گالی ہے، خورشید شاہ کا رد عمل

اسلام آباد: انگریزی اخبار کے صحافی سرل المیڈا نے اپنے حالیہ مضمون میں پاکستانی سیاست دانوں کو تنقید کا نشانہ بناتے ہوئے کہا ہے کہ وہ وزیر اعظم بننے کے لیے ماں بھی بیچنے کو تیار ہوجاتے ہیں۔

سرل المیڈا نے اپنے مضمون میں لکھا کہ پاکستانی سیاست دان نواز شریف کو سیاسی میدان سے ہنکا کر باہر نکال رہے ہیں، اور ایسا پہلی بار نہیں ہوا ہے، ہر بار وزارت عظمیٰ کے لیے بیس افراد قطار میں کھڑے ہوتے ہیں۔

پیپلز پارٹی کے سینئر رہنما خورشید شاہ نے اس پر رد عمل ظاہر کرتے ہوئے کہا ہے کہ یہ کسی ایک کو نہیں تمام سیاست دانوں کوگالی ہے، سب کو اس کا جواب دینا چاہیے۔

خورشید شاہ کا کہنا تھا کہ سرل المیڈا کے آرٹیکل سے بہت تکلیف ہوئی، سیاست دان اس کا بلا تفریق جواب دیں، یہ گالی تو ان سیاست دانوں کو بھی پڑی ہے جنہوں نے پاکستان بنایا۔

سیکریٹری الیکشن کمیشن نے عالمی قوتوں کی طرف سے انتخابات میں رکاوٹ کا خدشہ ظاہر کردیا


اپوزیشن لیڈر نے کہا کہ سرل المیڈا دراصل خود کو گالی دے رہے ہیں، وہ جانتے ہیں کہ بہت سے مسائل کیوں ہوئے، تمام سیاست دان قابل احترام ہیں، پاکستان سیاست دانوں نے بنایا ہے اور سیاست دانوں نے ہی اسے جوہری طاقت بنایا۔

واضح رہے کہ سرل المیڈا کا نام اس وقت قومی منظرنامے پر نمایاں ہوا تھا جب ایک مقامی انگریزی اخبار میں انھوں نے تقریباً دو سال قبل وزیر اعظم ہاؤس میں ہونے والے ایک اہم اجلاس کے حوالے سے خبر دی۔ اس خبر میں غیر ریاستی عناصر کے معاملے پر فوج اور سول حکومت میں اختلافات کا ذکر کیا گیا تھا تاہم حکومت اور فوج دونوں نے اس کو من گھڑت قرار دیا تھا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں