روہنگیا مسلمانوں کے لیے قومی اسمبلی میں آواز اٹھائیں گے، خورشید شاہ khursheed shah
The news is by your side.

Advertisement

روہنگیا مسلمانوں کے لیے قومی اسمبلی میں آواز اٹھائیں گے، خورشید شاہ

اسلام آباد: قومی اسمبلی میں اپوزیشن لیڈر خورشید شاہ نے برما میں مسلمانوں پر ہونے والے بدترین مظالم کی شدید مذمت کرتے ہوئے کہا ہے کہ قومی اسمبلی میں اس مسئلے کو بھرپور طریقے سے اٹھایا جائےگا۔

اپنے ایک بیان میں خورشید شاہ کا کہنا تھا کہ حیرت ہے کہ برما اور کشمیر میں مظالم پر مغر ب کی آنکھیں بند ہیں کیا انہیں وہاں ہونے والا بدترین قتل عام نظر نہیں آرہا؟

انہوں نے کہا کہ او آئی سی کو اس معاملے کا فوری نوٹس لے کر مظالم رکوانے کے لیے اپنا کردار ادا کرنا چاہیے، بحیثیت مسلمان ہمیں اس معاملے کو ترجیح دینی چاہیے۔

اپوزیشن لیڈر نے اعلان کیا کہ  ہم قومی اسمبلی کے اجلاس میں اس مسئلے کو بھرپور طریقے سےاٹھائیں گے، پیپلز پارٹی عالمی اداروں کا ضمیر جگانے کے لیے عملی اقدامات کرے گی۔

خیال رہے کہ ڈیڑھ ہفتے قبل برما میں مسلمانوں پر نئے مظالم کا آغاز ہوا ہے، 10 دنوں میں 400 سے زائد روہنگیا مسلمانوں کو برما کے فوجیوں اور بدھ مت کے ماننے والے افراد نے قتل کردیا ہے، وہاں سے اب تک 87 ہزار سے زائد افراد سرحد پار کرکے بنگل دیش کی سرحد پر کیمپوں میں پناہ لینے پر مجبور ہوگئے ہیں جہاں ان کی حالت انتہائی دگرگوں ہے۔

Comments

comments

یہ بھی پڑھیں