The news is by your side.

Advertisement

نوازشریف سمیت کسی سیاسی جماعت سےمذاکرات کےدروازے بند نہیں‘ خورشید شاہ

اسلام آباد : قومی اسمبلی میں اپوزیشن لیڈرخورشید شاہ کا کہنا ہے کہ نگراں وزیراعظم کا فیصلہ میں نے اوروزیراعظم نے کرنا ہے۔

تفصیلات کے مطابق قومی اسمبلی میں قائد حزب اختلاف خورشید شاہ نے میڈیا سے گفتگو کرتے ہوئے کہا کہ نوازشریف سمیت کسی سیاسی جماعت سے مذاکرات کے دروازے بند نہیں ہیں۔

پیپلزپارٹی کے رہنما خورشید شاہ کا کہنا تھا کہ نوازشریف کوملک اوراداروں کے خلاف بات نہیں کرنی چاہیے، ہم نے کبھی ریاست اوراداروں کے خلاف نہیں سوچا۔

خورشید شاہ کا کہنا تھا کہ سیاست میں حرف آخرنہیں ہوتا آج کا دشمن کل ساتھی بن سکتا ہے، ہم ہمیشہ سیاسی قوتوں سے ڈائیلاگ پریقین رکھتے ہیں۔

اپوزیشن لیڈر کا کہنا تھا کہ سیاست میں ایسا وقت بھی تھا جب بندگلی میں بند کردیا گیا تھا، ہمیں سوچ سمجھ کر فیصلے کرنے چاہئیں۔

خورشید شاہ نے نگراں وزیراعطم کے لیے پاکستان تحریک انصاف کے نام اعلان کرنے پرحیرانگی کا اظہار کرتے ہوئے کہا کہ میری تحریک انصاف کے رہنماؤں سے مشاورت جاری تھی، اب ملاقات کا کیا فائدہ ہے۔

اپوزیشن لیڈر کا کہنا تھا کہ نگراں وزیراعظم کے ناموں کا اعلان کرنا وزیراعظم اوراپوزیشن لیڈرکی ذمہ داری ہے۔ ان کا کہنا تھا کہ حکومت سے کہا 15مئی تک نگراں وزیراعظم کا نام فائنل کریں۔

سیاستدانوں کو سیاست کے لیے ایک جیسا میدان ملنا چاہیئے‘خورشید شاہ

خیال رہے کہ گزشتہ ہفتے قومی اسمبلی میں اپوزیشن لیڈر خورشید شاہ کا کہنا تھا کہ سیاست دانوں کو سیاست کے لیے ایک جیسا میدان ملنا چاہیئے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں