site
stats
سندھ

نوازشریف پارلیمنٹ اور سیاست کو بچانے کیلئے مستعفی ہوجائیں، خورشید شاہ

سکھر : قومی اسمبلی میں اپوزیشن لیڈرسید خورشید شاہ نے کہا ہے کہ میاں صاحب سیاست اور پارلیمنٹ کو بچائیں، اپنامتبادل لے آئیں اور پانچ سال پورے کریں۔ سمجھ میں نہیں آتا کہ وزیراعظم کو استعفیٰ نہ دینے کی کیا ضد ہے؟

یہ بات انہوں نے سکھر میں اپنی رہائش گاہ پر پریس کانفرنس کرتے ہوئے کہی۔ خورشید شاہ کا کہنا تھا کہ میاں صاحب اپنےلوگوں کو سمجھائیں، ہم گالم گلوچ کی سیاست نہیں چاہتے، ہم نےاپنی زبان کھولی توبات آگے تک جائے گی۔

انہوں نے کہا کہ ہم نے پہلے وزیراعظم کو استعفیٰ نہ دینے کا کہا تھا، اب اگر نواز شریف جے آئی ٹی میں سرخرو ہوتے ہیں تو دوبارہ وزیراعظم بن جائیں گے لیکن سمجھ میں نہیں آتا کہ وہ استعفیٰ کیوں نہیں دے رہے؟

نوازشریف مضبوط وزیراعظم نہیں رہے، میاں صاحب استعفیٰ دینگے تو نئی جمہوریت سامنے آئے گی، میاں صاحب کےاستعفے سےپارلیمنٹ اورجمہوریت بچ جائےگی، پاناما فیصلے میں جےآئی ٹی نہیں سرٹیفکیٹ دینے کیلئےایک کمیٹی بنائی گئی ہے، ہم دعوے سے کہتے ہیں5سال پورے کیے لیکن جھوٹ نہیں بولا۔

انہوں نے کہا کہ شہباز شریف سمیت تمام موجودہ حکمرانوں نے لوڈشیڈنگ ختم کرنے کاوعدہ بھی کیا تھا لیکن تاحال ملک میں بجلی کا بحران ہے، جبکہ خواجہ آصف کہتے ہیں کہ بجلی چوری ہورہی ہے۔

ایک سوال کے جواب میں ان کا کہنا تھا کہ عمران خان کی سیاست سے نوازشریف اور مضبوط ہونگے، شیخ رشید کو چاہیئے کہ عمران خان کوسمجھائیں۔ عمران خان خیبرپختونخوا میں کیاتبدیلی لائے؟

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top