The news is by your side.

Advertisement

عمران خان کو سندھ کے عوام ووٹ نہیں دینگے، خورشید شاہ

خیرپور: قومی اسمبلی میں قائد حزب اختلاف خورشید شاہ نے کہا ہے کہ عمران خان سندھ کے دورے کرنے کا شوق پورا کرلیں، سندھ کے عوام عمران خان کو ووٹ نہیں دیں گے۔

ان خیالات کا اظہار انہوں نے خیرپور میں میڈیا سے گفتگو کرتے ہوئے کیا، خورشید شاہ نے کہا کہ ایم کیو ایم پاکستان میں سربراہ کی سیٹ پر اختلافات ہیں، اختلافات ختم نہ ہوئے تو ایم کیو ایم پاکستان ٹوٹ جائے گی۔

رہنما پیپلزپارٹی نے کہا کہ نیب پہلے کرپٹ افراد کی تحقیقات کرے بعد میں میڈیا میں نام دے، نیب پہلے میڈیا میں نام دے کر پگڑی اتار رہا ہے، نیب نے سعد رفیق کا نام کرپشن تحقیقات کے لیے دیا ہے تو وہ انتظار کریں۔

خورشید شاہ نے کہا کہ سیاست دان دورے کرتا ہے پر وہ عملی کام بھی کرے، کپتان سندھ کے دورے کرنے کا شوق پورا کرلیں، سندھ کے عوام انہیں ووٹ نہیں دیں گے۔

مزید پڑھیں: صحت کےشعبےکو بہتربنانےکےلیےاقدامات کررہے ہیں ‘خورشید شاہ

واضح رہے کہ اس سے قبل خورشید شاہ کا کہنا تھا کہ عمران خان نے سینیٹ چیئرمین کے لیے حمایت کردی اب شریف آدمی مزید کیا کرے تاہم سیاست میں تمام دروازے کھلے ہیں۔

ان کا کہنا تھا کہ شیری رحمان سینیٹ میں قائد حزب اختلاف بن جائیں گی، سیاست انسانیت کی خدمت کا نام ہے میری تو دعا ہے کہ خدا تمام سیاست دانوں کو اچھا اور نیک بنائے۔

رہنما پیپلزپارٹی کا کہنا تھا کہ پیپلزپارٹی واحد جماعت ہے جس نے عوام کی فلاح و بہبود پر توجہ دی، اپنے دورے حکومت میں اسی لاکھ سرکاری و نیم سرکاری ملازمین کی تنخواہوں میں اضافہ کیا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Print Friendly, PDF & Email

Comments

comments

یہ بھی پڑھیں