عام آدمی کے پارلیمنٹ جانے تک ملک ترقی نہیں کر سکتا: خورشید شاہ -
The news is by your side.

Advertisement

عام آدمی کے پارلیمنٹ جانے تک ملک ترقی نہیں کر سکتا: خورشید شاہ

سکھر: پیپلز پارٹی کے سینئر رہنما اور اپوزیشن لیڈر خورشید شاہ کا کہنا ہے کہ عام آدمی کے پارلیمنٹ میں جانے تک ملک ترقی نہیں کرسکتا۔ پیپلز پارٹی نے ہمیشہ کسانوں اور مزدوروں کی بات کی۔

تفصیلات کے مطابق سکھر کی تحصیل پنوں عاقل میں جلسے سے خطاب کرتے ہوئے پیپلز پارٹی کے سینئر رہنما اور اپوزیشن لیڈر خورشید شاہ کا کہنا تھا کہ عام آدمی کے پارلیمنٹ میں جانے تک ملک ترقی نہیں کرسکتا۔ حکمرانوں کو عوام کی طاقت کو تسلیم کرنا چاہیئے۔

خورشید شاہ کا کہنا تھا کہ طاقت کا سر چشمہ عوام ہیں ان کی بات کرنا ہوگی۔

انہوں نے مزید کہا کہ جمہوریت کی خاطر پیپلز پارٹی کے کارکنوں نے بچوں کی قربانی دی، پیپلز پارٹی نے جمہوریت کے لیے جان و مال قربان کردیا۔

انہوں نے کہا کہ پیپلز پارٹی نے کسانوں اور مزدوروں کی بات کی۔

خورشید شاہ کا کہنا تھا کہ پیپلز پارٹی آنے والے نسلوں اور پاکستان کی ضمانت ہے۔ اس دھرتی کے لیے ہم نے اپنا خون دیا ہے۔ اس دھرتی کے لیے کوڑے کھائے، جیلیں کاٹی ہیں۔ ’ذوالفقار علی بھٹو انسانیت کے لیے لڑے۔ پاکستان کے لیے سب کو سوچنا چاہیئے‘۔

انہوں نے نواز شریف پر تنقید کرتے ہوئے کہا کہ میاں صاحب کہتے ہیں مجھے کیوں نکالا، بھٹو کی مثال ہے انہوں نے کبھی نہیں کہا مجھے کیوں پھانسی دی۔ ’نواز شریف کہتے ہیں اگلے وزیر اعظم شہباز شریف ہوں گے، شہباز شریف ہوں گے یا بلاول بھٹو فیصلہ عوام فیصلہ کریں گے‘۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں