The news is by your side.

Advertisement

صحت کےشعبےکو بہتربنانےکےلیےاقدامات کررہے ہیں ‘خورشید شاہ

سکھر: قومی اسمبلی میں قائد حزب اختلاف خورشید شاہ کا کہنا ہے کہ سیاست بہت اچھا کام ہے لیکن اس عمل میں کوئی سیاست نہیں ہونی چاہیے۔

تفصیلات کے مطابق سکھرمیں ادارہ امراض قلب میں اپوزیشن لیڈرخورشید شاہ نے نیوز کانفرنس کرتے ہوئے کہا کہ اسپتال میں سرجری کا انتظام ہے، باہرسےڈاکٹرزآئیں ہیں، اسپتال میں ایک ماہ میں 2409 مریض آئے۔

پیپلزپارٹی کے رہنما نے کہا کہ اسپتال میں ورلڈ کلاس مٹیریل اوراسٹنٹ استعمال ہوتے ہیں، بلاول بھٹو چاہتے ہیں کہ لوگوں کوصحت کی سہولیات دی جائیں، انہوں نے کہا کہ اسپتال میں ہماراکوئی کمال نہیں ، اللہ نے پی پی حکومت سے یہ کام لینا تھا۔

خورشید شاہ نے کہا کہ 500بیڈ پرمشتمل جنرل اسپتال کے لیے جگہ دیکھ لی ہے، جلد کام شروع ہوگا، صحت کے شعبےکو بہتربنانے کے لیے اقدامات کررہے ہیں۔

انہوں نے کہا کہ صحت کے ساتھ تعلیم اور اسپورٹس کے لیے بھی اقدامات کررہے ہیں، اسپورٹس کمپلیکس اور ہاکی کے لیے آسٹروٹرف بن رہا ہے۔

خیال رہے کہ 3 روز قبل اسلام آباد میں میڈیا سے گفتگو کرتے ہوئے خورشید شاہ کا کہنا تھا کہ ہم گولیاں کھا کر سیاست کرتے رہے ہیں، کبھی نہیں ڈرے اور مستقبل میں بھی نہیں ڈریں گے۔

قومی اسمبلی میں قائد حزب اختلاف خورشید شاہ کا کہنا تھا کہ جوتے اور سیاہی کی سیاست ہمارا معاشرہ قبول نہیں کرتا۔


الزام تراشیاں نواز شریف کا وطیرہ ہے، خورشید شاہ


یاد رہے کہ 14 مارچ کو اپوزیشن لیڈرخورشید شاہ کا کہنا تھا کہ الزام تراشیاں نواز شریف کا وطیرہ ہے، ہم نہیں جھکے لیکن میاں صاحب میمواسکینڈل یاد کریں


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں