خوشاب : منی ٹرک کھائی میں گرنے سے 13 افراد جاں بحق ہوگئے،جاں بحق افراد کا تعلق ایک ہی خاندان سے تھا۔
تفصیلات کے مطابق خوشاب مین پنج پیرکےمقام پر خوفناک حادثہ پیش آیا ، جہاں منی ٹرک کھائی میں گرگیا۔
حادثے کے نتیجے میں 13 افراد جاں بحق ہوگئے ، جاں بحق ہونیوالوں میں5 بچےبھی شامل جبکہ 4افرادزخمی ہیں۔
ریسکیو حکام کا کہنا تھا کہ جاں بحق افرادکاتعلق ایک ہی خاندان سےتھا، حادثےکا شکارخاندان منی ٹرک پربنوں سے وادی سون خوشاب آرہاتھا۔
ریسکیو ذرائع نے بتایا کہ لاشوں اورزخمیوں کوٹی ایچ کیو نوشہرہ منتقل کیاجا رہا ہے،عینی شاہدین کا کہنا تھا کہ
حادثہ تیزرفتاری کے باعث موڑ کاٹتے ہوئے پیش آیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں