گلگت بلتستان میں ترقیاتی منصوبوں کی بروقت تکمیل اولین ترجیح ہے‘ خسروبختیار -
The news is by your side.

Advertisement

گلگت بلتستان میں ترقیاتی منصوبوں کی بروقت تکمیل اولین ترجیح ہے‘ خسروبختیار

اسلام آباد : وفاقی وزیر برائے منصوبہ بندی وترقی خسرو بختیار کا کہنا ہے کہ گلگت بلتستان سی پیک سے زیادہ فوائد حاصل کرے گا۔

تفصیلات کے مطابق وفاقی دارالحکومت اسلام آباد میں وفاقی وزیر برائے منصوبہ بندی وترقی خسرو بختیار سے وزیراعلیٰ گلگت بلتستان حافظ حفیظ الرحمن نے ملاقات کی۔

اس موقع پروفاقی وزیر نے کہا پاکستان تحریک انصاف کی حکومت سماجی اوراقتصادی ترقی میں گلگت بلتستان کو ملک کے دیگر علاقوں کے برابر لانا چاہتی ہے۔

خسرو بختیار نے کہا کہ گلگت بلتستان سی پیک سے زیادہ فوائد حاصل کرے گا اور یہ منصوبہ علاقے میں خوشحالی لائے گا۔

وفاقی وزیر نے کہا کہ حکومت گلگت بلتستان میں جاری ترقیاتی منصوبوں کی بروقت تکمیل کو اولین ترجیح دے رہی ہے۔

انہوں نے کہا گلگت بلتستان کو ترقیاتی اسکیموں کے لیے رواں سال 15 ارب روپے فراہم کیے جائیں گے۔

وزیراعلیٰ گلگت بلتستان حافظ حفیظ الرحمن نے گلگت اسکردو شاہراہ منصوبے کی منظوری پروفاقی حکومت کا شکریہ ادا کیا جس سے 9 گھنٹوں کا سفرکم ہوکر دو گھنٹے رہ جائے گا۔

سی پیک پر سابق حکومت کی ترجیحات غلط تھیں‘ خسرو بختیار

یاد رہے کہ گزشتہ ہفتے وفاقی وزیر برائے منصوبہ بندی وترقی کا کہنا تھا کہ سی پیک ٹیسٹ میچ ہے، گذشتہ حکومت ٹی20 سمجھتی رہی۔

Comments

comments

یہ بھی پڑھیں