site
stats
اہم ترین

میجر جواد کی شہادت کا بدلہ لیں گے، خواجہ آصف، چوہدری نثار کا کابل کو سخت جواب

وزیر دفاع خواجہ آصف نے افغانستان کو سخت جواب دیتے ہوئے کہا ہےکہ میجر علی جواد کی قربانی رائیگاں نہیں جائے گی، میجر کی شہادت کا بدلہ لیں گے،ملا فضل اللہ افغانستان سے پاکستان میں دہشت گردی کرارہا ہے۔

ایف سی کے میجر علی جواد کی شہادت پر ٹوئیٹ کرتے ہوئے وزیر دفاع کا کہنا تھا کہ ہمارا خون بہایا جائے گا تو حساب دینا ہوگا، ہم اپنی سرحد محفوظ بنائیں گے روکا گیا تو بھرپور جواب دیں گے۔

انہوں نے کہا کہ دشمن ضرب عضب سے حاصل شدہ امن کو سبوتاژ کرنا چاہتا ہے، ہم نے افغانستان میں ہمیشہ قیام امن اور استحکام کی بات کی، فغانستان اگر ہمیں اپنی سرحد محفوظ کرنے نہیں دے گا تومعاملات خراب ہوجائیں گے، افغانستان کو معاملات کی نزاکت کو سمجھنا ہوگا اور دشمنوں کو روکنا ہوگا۔

وزیر دفاع خواجہ آصف کا مزید کہنا تھا کہ افغان مہاجرین کی واپسی میں توسیع کے فیصلے پر غور کریں گے۔

اس حوالے سے وزیر داخلہ چوہدری نثار نے بھی کابل کو سخت پیغام دیا ہے کہ لگتا ہے ہمارا پڑوسی ملک کسی اور کے ہاتھوں کھیل رہا ہے،دراندازی روکنے کی کوششوں کو سبوتاژ کیا جارہا ہے۔

انہوں نے افغان حکومت کو مخاطب کیا کہ بلاجواز گولہ باری اور اہلکاروں کی شہادت ناقابل قبول ہے،افغانستان فیصلہ کرے وہ امن کا ساتھ دے گا یا کسی اور کے کھیل کا حصہ بنے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top