The news is by your side.

Advertisement

اپوزیشن نے ڈپٹی اسپیکر کیخلاف تحریک عدم اعتماد لانے کا فیصلہ کرلیا، خواجہ آصف

اسلام آباد : مسلم لیگ ن کے رہنما خواجہ آصف نے کہا ہے کہ اپوزیشن جماعتوں نے متفقہ طور پر ڈپٹی اسپیکر کے خلاف تحریک عدم اعتماد لانے کا فیصلہ کیا ہے، مولانا فضل الرحمان کے آزادی مارچ کے شرکا کو خراج تحسین پیش کرتے ہیں۔

ان خیالات کا اظہار انہوں نے اسلام آباد میں اپوزیشن رہنماﺅں کے ساتھ مشترکہ پریس کانفرنس کرتے ہوئے کہی۔ انہوں نے کہا کہ قومی اسمبلی میں قانون سازی کا مذا ق اڑایا گیا، ایوان میں ہونے والی کارروائی کی کوئی حیثیت نہیں ہے۔

اسمبلی میں آدھے گھنٹے میں تمام بل پاس کروا لئے گئے۔ کل جو کام ان کے لیے حرام تھا آج اسے جائز قرار دے رہے ہیں، قومی اسمبلی جیسے ادارے کو تباہ کیا جارہا ہے، اس لیے تمام اپوزیشن جماعتوں نے متفقہ طور پر یہ فیصلہ کیا ہے کہ ڈپٹی اسپیکر قاسم سوری کے خلاف تحریک عدم اعتماد پیش جائے گی۔

مولانا فضل الرحمان کے آزادی مارچ سے متعلق ان کا کہنا تھا کہ مولانا کے مارچ کو اسلام آباد میں7واں دن ہے، مولانا مارچ کے شرکا کو ثابت قدم رہنے پر خراج تحسین پیش کرتے ہیں، وہ اس بارش اور سردی میں عوام کے حقوق کے لئے جدوجہد جاری رکھے ہوئے ہیں۔

مولانا کے آزادی مارچ میں قانون کے احترام کی مثال نہیں ملتی، مارچ کے دوران بھی لاہور میں میٹرو بس چل رہی تھی، اسلام آباد میں میٹرو کو بند کردیا گیا ہے جس سے عوام کو مشکلات درپیش ہیں، پشاور میں میٹرو تو چلا نہیں سکے، شہباز شریف کی میٹرو کو بھی بند کردیا۔

Comments

comments

یہ بھی پڑھیں