سیالکوٹ : وزیر دفاع خواجہ آصف نے ن لیگ کے قائد میاں نواز شریف کی وطن واپسی سے متعلق اہم بیان دے دیا ان کا کہنا ہے کہ نواز شریف جلد وطن واپس آجائیں گے۔
اسلام آباد میں میڈیا سے گفتگو کرتے ہوئے انہوں نے کہا کہ ہمیں اس بات کا اچھی طرح سے ادراک ہے کہ مہنگائی میں بے پناہ اضافہ ہوا ہے۔
پیٹرولیم مصنوعات اوراشیائے خورد ونوش کی قیمتوں میں اضافہ ہوا ہے جس کی وجہ سے لوگ مالی طور پر بہت پریشان ہیں۔
خواجہ آصف نے کہا کہ تیل اور کوئلے کی قیمتیں تاریخ کی بلند ترین سطح پر پہنچ گئی ہیں، 1990میں ہم نے عوام کا قرض اتارنے کی کوشش کی تھی۔
الیکشن میں ایک سال ہے پھرعوام کی عدالت میں سب پیش ہوں گے، سابق وزیراعظم سے متعلق ان کا کہنا تھا کہ عمران خان دھاندلی کے ذریعے اقتدار میں آئے تھے، اقتدار سے نکلنے کے بعد وہ خواس باختہ ہوگئے ہیں۔
وزیر دفاع نے کہا کہ ہم اکیلے نہیں آج عمران خان بھی ضمانت پر ہے، مہنگائی کی ذمہ داری صرف ہماری حکومت ہی نہیں سابقہ حکومت بھی برابر کی ذمہ دار ہے۔
