The news is by your side.

پی ٹی آئی نے خواجہ آصف کیخلاف نیب جانے کی تیاری کرلی

اسلام آباد : پاکستان تحریک انصاف نے خواجہ آصف کی کرپشن کیخلاف قومی احتساب بیورو میں جانے کا فیصلہ کرلیا، چیئرمین پی ٹی آئی نے اجلاس میں نیب ریفرنس دائر کرنے کی منظوری دی تھی۔

تفصیلات کے مطابق وزیر خارجہ خواجہ آصف کی مبینہ کرپشن پر تحریک انصاف نے ان کیخلاف کارروائی کا فیصلہ کرلیا، اس حوالے سے پی ٹی آئی نے نیب سے رابطے کا فیصلہ کیا ہے۔

چیئرمین عمران خان کی زیر صدارت کور گروپ کے اجلاس میں خواجہ آصف کیخلاف نیب میں ریفرنس دائر کرنے کی منظوری دی گئی تھی۔

بنی گالہ اسلام آباد میں ہونے والے پارٹی کور گروپ کے اجلاس سے خطاب کرتے ہوئے عمران خان کا کہنا تھا کہ خواجہ آصف کے خلاف منی لانڈرنگ سے متعلق ٹھوس شواہد موجود ہیں، وزیر خارجہ قوم کے لیےسیکیورٹی رسک ہیں،  یہ تمام شواہد نیب کو فراہم کئے جائیں، ملک کا پیسہ لوٹنے والوں کا احتساب ضروری ہے۔

انہوں نےعثمان ڈارکو خواجہ آصف کےخلاف نیب کو خط لکھنے کی ذمےداری سونپ دی، پی ٹی آئی ذرائع کے مطابق خواجہ آصف کے فارن اکاؤنٹس سمیت اہم معلومات حاصل کرلی گئی ہیں۔

پی ٹی آئی کور گروپ کےاجلاس کا اعلامیہ جاری

علاوہ ازیں پی ٹی آئی کور گروپ کےاجلاس کا اعلامیہ جاری کردیا گیا ہے، اعلامیہ کے مطابق اجلاس میں خواجہ آصف اور وزیر اعلی پنجاب شہباز شریف کی کرپشن پر کارروائی کااصولی فیصلہ کیا گیا۔

اعلامیہ میں مزید کہا گیا ہے کہ حکومت اقامے، اشتہاریوں اور کرپشن سے داغدار لوگوں پر مشتمل ہے، اجلاس میں شہباز شریف کی کرپشن کو بےنقاب کرنے کا بھی فیصلہ کیا گیا۔

اس حوالے سے علیم خان کی سربراہی میں ٹاسک فورس قائم کر دی گئی ہے، یہ ٹاسک فورس شہبازشریف کی آشیانہ اسکیم سمیت دیگر کرپشن کو منظرعام پر لائےگی۔

اعلامیہ میں بیرون ملک پاکستانیوں کےانتخابی حقوق پرسپریم کورٹ کے فیصلےکا خیر مقدم کیا گیا، پارٹی اوور سیز پاکستانیوں کے انتخابی حقوق کےلیے2012سے لڑرہی ہے، امید ہے جلد بیرون ملک پاکستانیوں کو ان کے انتخابی حقوق مل جائیں گے، اس کے علاوہ اجلاس میں عمران خان کی جانب سے کابل میں بم دھماکے کی شدید مذمت کی گئی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔ 

Print Friendly, PDF & Email

Comments

comments

یہ بھی پڑھیں