The news is by your side.

Advertisement

بھارت کو منہ توڑ جواب دیا جاتا ہے، خواجہ آصف

اسلام آبا د : وزیر دفاع خواجہ آصف کا کہنا ہے کہ ایل او سی پر پاکستان پہل نہیں کرتا البتہ بھارتی اشتعال انگیزی کا بھرپور جواب دیا جاتا ہے۔ہمارا ایک فوجی جوان شہید ہوتا ہے تو بھارت کو چار نعشیں اٹھانا پڑتی ہیں۔

وہ لائن آف کنٹرول پر بھارتی جارحیت سے پیدا ہونے والی صورتِ حال سے متعلق قومی اسمبلی جاری بحث کے دوران وفاقی وزیر دفاع خواجہ آصف کا کہنا تھا کہ ہم پاکستان کی زمینی سرحدوں، ساحلوں اور فضاؤں کی حفاظت کی مکمل صلاحیت رکھتے ہیں۔

انہوں نے کہا کہ پاکستان پُر امن ملک ہے اور ہمسائے ممالک کے ساتھ دوستانہ تعلقات استوار کرنا چاہتا ہے تا ہم اگر پاکستان پر جنگ مسلط کی گئی تو بھرپور جواب دیا جائے گا۔

خواجہ آصف کا کہنا تھا کہ بھارت پاکستان میں دہشت گردی میں ملوث ہے جس کا کُھلا ثبوت کلبھوشن یادیو کی گرفتاری ہے جو حاضر بھارتی فوجی افسر تھا اور پاکستان میں دہشت گردی پھیلانے کے لیے بلوچستان میں چھپا ہوا تھا وفاقی حکومت کی جانب سے اقوام متحدہ کو بھارتی مداخلت کے ثبوت بھی دیئے گئے ہیں۔

وفاقی وزیر دفاع کا کہنا تھا کہ سی پیک منصوبہ ہر صورت میں مکمل ہوگا بھارت اس منصوبے کو پایہ تکمیل تک پہنچتے نہیں دیکھنا چاہتااور حکومت کی نگاہ ترقیاتی منصوبوں سے ہٹا کر لائن آف کنٹرول پر لگی رہنے دینا چاہتا ہے۔

انھوں نے مزید کہا کہ سی پیک تکمیل کے قریب پہنچے گا تو کئی دیگر ممالک بھی اس میں شامل ہونگے اور سی پیک منصوبہ پاکستان کیلئے گیم چینجر ثابت ہو گا۔

Print Friendly, PDF & Email

Comments

comments

یہ بھی پڑھیں