نئے آرمی چیف کاچناؤ وزیراعظم کااستحقاق ہے، خواجہ آصف -
The news is by your side.

Advertisement

نئے آرمی چیف کاچناؤ وزیراعظم کااستحقاق ہے، خواجہ آصف

اسلام آباد : وفاقی وزیر دفاع خواجہ آصف نے کہا ہے کہ آرمی چیف اور دیگرسینئرافسران کی مشاورت سے نئے آرمی چیف کاچناؤ وزیراعظم کا استحقاق ہے جس کے لیے وزیراعظم کو نام بھیجوائے جائیں گے۔

خواجہ آصف کا کہنا تھا کہ قانون اور آئین کے مطابق وزیراعظم پاکستان میاں محمد نواز شریف نئے آرمی چیف کی تعیناتی کا فیصلہ جنرل راحیل شریف اور دیگر افسران کی مشاورت سے نئے آرمی چیف کا فیصلہ کریں گے۔

وزیر دفاع خواجہ آصف نے کہا کہ جنرل راحیل شریف کے دور میں فوج نے بہت سی کامیابیاں حاصل کیں،دہشت گردی کے خلاف کامیاب اورموثر جنگ پاکستان کی تاریخ کا سنہری دور ہے جس میں پاکستان نے موثرانداز میں دہشت گردی کے خلاف جنگ لڑی ۔

وفاقی وزیر دفاع نے کہا کہ آرمی چیف راحیل شریف ایک دلیر اور بہادر سپاہی ہیں اور ان کے اہلِ خانہ کی پاکستان کے لیے خدمات قابل فخر ہیں اُن کے گھر کے دو فوجی افسران نے فوج کا اعلیٰ ترین اعزاز نشانِ حیدر حاصل کیا ہے۔

انہوں نے مزید کہا کہ آرمی چیف نے اپنی خداداد صلاحیتوں اور دہشت گردی کے خلاف جنگ میں اپنے مثبت کردار کی وجہ سے پوری دنیا میں پاکستان کا نام روشن کیا۔

Comments

comments

یہ بھی پڑھیں