The news is by your side.

Advertisement

عظیم صوفی بزرگ خواجہ معین الدین چشتیؒ کے عرس مبارک کی تقریبات جاری

اجمیرشریف : عظیم صوفی بزرگ خواجہ معین الدین چشتی کے عرس مبارک کی تقریبات جاری ہیں، آٹھ سو ساتویں عرس پر دنیا بھرسے زائرین مزار پر حاضری کے لئے اجمیرشریف کا رخ کررہے ہیں۔

اجمیرشریف میں خواجہ غریب نوازحضرت معین الدین چشتی کا آٹھ سو ساتواں سالانہ عرس جاری ہے، عرس مبارک کی تقریبات جھنڈا کشائی کی رسم سے شروع کی گئیں۔

عرس کا باقاعدہ آغاز یکم رجب سے ہوگا،اس موقع پر جنتی دروازہ کھولاجائے گا، پانچ رجب کو محفل سماع اور چھ رجب کو بڑی قل شریف ہوگی۔

تقریب میں شرکت کے لئے دنیا بھر سے لاکھوں زائرین کی آمد کا سلسلہ جاری ہے، جبکہ پاکستان کے زائرین کی بڑی تعداد بھارتی سفارت خانے سے ویزہ نہ ملنے پر عرس مبارک میں شریک نہ ہوسکے گی۔

عظیم صوفی بزرگ خواجہ غریب نواز نے چھٹی صدی عیسوی میں افغانی چشتی سلسلے کو ہندوستان میں متعارف کرایا، پنجاب اور راجستھان میں امن و آشتی کا درس دیا۔

Comments

comments

یہ بھی پڑھیں