The news is by your side.

Advertisement

کراچی میں دہشت گردوں کی سرپرستی کی جارہی ہے، خواجہ اظہار الحسن

کراچی : ایم کیوایم کے رہنما خواجہ اظہار الحسن نے کہا ہے کہ شہر میں دہشت گردوں کی سرپرستی کی جارہی ہے ۔ لانڈھی کورنگی میں کچھ لوگ چادراورچار دیواری کا تقدس پامال کر رہے ہیں۔

ان خیالات کا اظہار انہوں نے پریس کانفرنس سے خطاب کرتے ہوئے کیا، خواجہ اظہار الحسن نے وزیر داخلہ سندھ کو لاعلم وزیر داخلہ قرار دے دیا۔

کراچی میں پریس کانفرنس کرتے ہوئے خواجہ اظہار الحسن کا کہنا تھا ایم کیوایم کے ہاتھ پاؤں باندھ کر سب کو کھلی چھوٹ دیدی گئی ہے۔

اس رویے کی وجہ سے امن کی طرف جاتا ہوا کراچی بدامنی کی طرف جاسکتا ہے، ان کا کہنا تھا کہ ایم کیوایم سندھ کی دوسری بڑی جماعت بن کرسامنے آئی ہے مگر اس کے ساتھ غیر جمہوری ہتھکنڈے استعمال کیے جارہے ہیں۔

ان کا کہنا تھا کہ لانڈھی کورنگی میں کچھ عناصر چادر اور چار دیواری کا تقدس پامال کر رہے اور کوئی ان کو روکنے والا نہیں۔

 

Comments

comments

یہ بھی پڑھیں