لاہور : وفاقی وزیر ریلوے خواجہ سعد رفیق نے کہا ہے کہ عوامی حاکمیت، آئین اور قانون کی حکمرانی ہماری منزل ہے اور مسلم لیگ (ن) آئین کی سربلندی کے لیے جدوجہد کررہی ہے, مائنس نواز فارمولا قبول نہیں.
ان خیالات کا اظہار خواجہ سعد رفیق نے سماجی رابطے کی ویب سائٹ ٹویٹر پر اپنے ایک پیغام پر کیا، انہوں نے مسلم لیگ (ن) میں مائنس نواز شریف کے امکان کو مسترد کردیا.
وفاقی وزیر ریلوے خواجہ سعد نے کہا ہے کہ صرف نواز شریف ہی مسلم لیگ (ن) کے سیاسی امام، قائد اور پیر ہیں جس کی سربراہی میں مجھ سمیت تمام رہنما متحد اور منظم ہیں.
مسلم لیگ (ن) کے سیاسی امام قائد اور پیر نوازشریف صاحب ہیں۔ مسلم لیگ (ن) آئین کی سربلندی کی جدوجہد کررہی ہے۔
— Khawaja Saad Rafique (@KhSaad_Rafique) December 2, 2017
اپنے دوسرے پیغام میں انہوں نے کہا کہ سیاسی جماعتوں کی قیادت کی تبدیلی کا فیصلہ ان کے کارکنان کرتے ہیں کسی اور طریقے سے مسلط کی گئی جعلی قیادت کو عوام مسترد کردیں گے.
مسلم لیگ (ن) کے سیاسی امام قائد اور پیر نوازشریف صاحب ہیں۔ مسلم لیگ (ن) آئین کی سربلندی کی جدوجہد کررہی ہے۔
— Khawaja Saad Rafique (@KhSaad_Rafique) December 2, 2017
انہوں نے کہا کہ قیادت کی تبدیلی کے تجربے کو باربار نہ دہرایا جائے کیوں یہ عمل بے سود ہے جس سے انتشار کے سوا اور کچھ برآمد نہیں ہوگا مسلم لیگ (ن) کل بھی نواز شریف کی قیادت میں متحد تھی اور آج بھی متحد ہے.
سیاسی حمایت میں لاکھوں لوگ ہوتے ہیں کسی کے آنے جانے سے افراد کو فرق پڑتاہے۔ جماعتوں کے اگر مرکز اور نیوکلیئر مظبوط ہوں گو جماعتوں کو فرق نہیں پڑتا۔ یہ تجربہ بار بار دہرایاگیاہے اور میرا مشورہ ہے کہ یہ تجربہ پھر نہ دہرایا جائے اس کا کوئی فائدہ نہیں ہوگا۔
— Khawaja Saad Rafique (@KhSaad_Rafique) December 2, 2017
