site
stats
پاکستان

کراچی میں امن ہماری بدولت آیا، خواجہ سعد رفیق

Khawaja Saad Rafique

لاہور : ریلوے کے وفاقی وزیر خواجہ سعد رفیق نے کہا ہے کہ حکومت نے کراچی کا آسیب بند کر دیا، شہر قائد میں امن ہماری بدولت آیا، پاناما کیس کا فیصلہ ججز نے کرنا ہے لیکن سڑکوں پرتماشا ہو رہا ہے، ہمیں کام کرنا بھی آتا ہے اور سیاست بھی کرنی آتی ہے۔

ان خیالات کا اظہار انہوں نے الحمرا کلچرل کمپلیکس لاہور میں نواز لیگ کے پارٹی ورکرز کنونشن سے خطاب کرتے ہوئے کیا، سعد رفیق نے کہا کہ حکومت نے بدامنی کے شکار شہر کراچی میں امن قائم کیا۔ کراچی کے قصاب کی بولتی بند کردی، وہاں امن ہماری بدولت آیا ہے۔ بلوچستان کے امن کو بحال کیا۔

سعد رفیق نے کارکنوں سے رائے طلب کی کہ کیا قیادت کی تضحیک اور کردار کشی کا جواب دینا چاہیے یا نہیں ؟ انہوں نے کہا کہ مخالفین کہتے ہیں کہ وزراء کام نہیں کرتے صرف قیادت کا دفاع کرتے ہیں۔ میں کہتا ہوں ہمیں کام بھی کرنا آتا ہے اور سیاست بھی کرنی آتی ہے۔

ملک میں سی پیک بن رہا ہے اس کی تکلیف مودی کو ہو تو سمجھ آتی ہے مگر عمران خان کو ہو تو اس پر ہم کیا الزام لگائیں۔ ہم نے ناممکن کو ممکن کر کے دکھایا اور ن لیگ حکومت میں آتی ہے تو ایٹم بم اور موٹروے بنا کر دکھاتی ہے۔

سعد رفیق نے مخالفین کو مخاطب کرتے ہوئے کہا ہماری تضحیک و تذلیل کی کوشش نا کرو تنقید ضرور کرو۔ نواز شریف ملک میں ایک ہی لیڈر ہے اس کی کردار کشی کی اجازت نہیں دیں گے۔ ہم نے کبھی خاندانوں کا دفاع نہیں کیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top