کراچی میں خوف کے سائے چھٹ رہے ہیں، خواجہ سعد رفیق -
The news is by your side.

Advertisement

کراچی میں خوف کے سائے چھٹ رہے ہیں، خواجہ سعد رفیق

کراچی : وفاقی وزیر ریلوے خواجہ سعد رفیق کا کہنا تھا کہ کراچی شہر پر چھائے آسیب کے سائے چھٹ رہے ہیں فورسز اور سول حکومت نے کراچی کے امن و امان کے لئے بہت کام کیا ہے۔

خواجہ سعد وزیر ریلوے خواجہ سعد رفیق نے مزار قائد پر حاضری دینے کے بعد میڈیا سے بات کرتے ہوئے کہ پاکستان کے ریاستی ادارے آئین پاکستان کے دائرے میں رہ کرکام کررہے ہیں، جمہوریت کی موجودہ شکل ہماری منزل نہیں بلکہ ہمیں اس میں شفافیت لانی ہے۔

انہوں نے کہا کہ جمہوریت پر 4 بار شب خون مارا گیا ہے ہم نے بڑی جدوجہد کے بعد یہ راستہ ہمیشہ کے لیے بند کردیا ہے عوام اپنی امنگوں کے مطابق اپنے نمائندے منتخب کرتے ہیں اس لیے ووٹ بینک کا حرام کیا جانا چاہیے۔

وفاقی وزیر کا کہنا تھا کہ شہر کراچی پر چھائے آسیب کے سائے چھٹ رہے ہیں،فورسز اور سول حکومت نے کراچی کے امن و امان کے لئے بہت کام کیا اور کر بھی رہے ہیں کراچی کو روشنی کا شہر بنا دیا ہے۔

انہوں نے مزید کہا کہ پاکستانی قوم ایک پرعزم قوم ہے اس نے اپنا راستہ خود بنایا ہے وسائل نہ ہونے کے باوجود پاکستان ایٹمی طاقت رکھنے والا پہلا اسلامی ملک بنا۔

Comments

comments

یہ بھی پڑھیں