The news is by your side.

Advertisement

اعتزاز اگر زرداری کی آواز ہیں تو ایسی پی پی کو خدا حافظ کہنا بہتر ہے، سعد رفیق

لاہور : وفاقی وزیر ریلوے اور مسلم لیگ (ن) کے رہنما سعد رفیق نے کہا ہے کہ اگر اعتزاز احسن آصف زرداری کی آواز ہیں تو پیپلز پارٹی کو خدا حافظ کہنا ہے بہتر ہے۔

یہ بات انہوں نے سماجی رابطے کی ویب سائٹ ٹوئٹر پر ایک پیغام میں کہی، انہوں نے اپنی ٹوئٹ میں سابق صدرآصف زرداری کوتنقید کا نشانہ بناتے ہوئے کہا کہ اگراعتزاز احسن زرداری کی آواز ہیں تو پیپلز پارٹی کو خدا حافظ کہنا بہتر ہے۔

انہوں نے کہا کہ نواز شریف نے پیپلز پارٹی کی حکومت کو بچانے کے لیےاپنی مقبولیت داؤپرلگادی تھی اور باخبر لوگ جانتےھیں کہ پاکستان میں جمہوریت کو لاحق خطرات کبھی ختم نہیں ھوتے۔

انہوں نے اپنے ایک اور ٹوئٹ میں کہا کہ میثاق جمہوریت پر مسلم لیگ (ن) کی جانب سے عمل نہ کرنے سے متعلق آصف زرداری کا بیان درست نہیں ہے ان کی حکومت بیڈ گورننس کا شکار تھی۔

انہوں نے مزید کہا کہ مسلم لیگ (ن) کو سیاست آگے بڑھانے کے لیے کسی بیسا کھی کی ضرورت نہیں ہے اور آئندہ انتخابات میں مسلم لیگ (ن) ہی عوام کی پہلی چوائس ہو گی۔

خیال رہے کہ پاکستان پیپلز پارٹی پارلیمنٹیرین کے صدر آصف زرداری اور سینیٹ میں قائد حزب اختلاف چوہدری اعتزاز نے مسلم لیگ (ن) اور سابق وزیراعظم نواز شریف کو ہدف تنقید بناتے ہوئے کہا تھا کہ میاں صاحب منتخب حکومتوں کو گرانے کی کوششوں میں ملوث رہے ہیں اور یوسف رضا گیلانی کی نااہلی کے لیے منفی کردار ادا کیا۔

Print Friendly, PDF & Email

Comments

comments

یہ بھی پڑھیں