The news is by your side.

Advertisement

الیکشن کمیشن میں اپنا کیس بھرپور طریقے سے لڑیں گے، سلمان رفیق

لاہور : احتساب عدالت نے پیراگون ہاؤسنگ سوسائٹی کیس میں خواجہ سعد رفیق کی حاضری معافی درخواست منظور کرتے ہوئے نیب کے مزید گواہان کو طلب کرلیا۔

لاہور کی احتساب عدالت نے پیراگون ہاؤسنگ سوسائٹی کیس کی سماعت کی، خواجہ سلمان رفیق عدالت میں پیش ہوئے جبکہ خواجہ سعد رفیق کی جانب سے حاضری معافی درخواست جمع کروائی گئی۔

درخواست میں مؤقف اختیار کیا گیا کہ وفاقی وزیر خواجہ سعد رفیق نجی دورے پر برطانیہ گئے ہوئے ہیں جہاں ان کی کمر میں تکلیف شروع ہوگئی ہے جس کے باعث ڈاکٹر نے انہیں فوری طور پر سفر کرنے سے منع کیا ہے۔

درخواست میں استدعا کی گئی کہ معزز عدالت ان کی حاضری معافی کی درخواست منظور کرے، عدالت نے خواجہ سعد رفیق کی حاضری معافی درخواست منظور کرلی۔ عدالت نے نیب کے چار گواہان سدرہ خالد، مبارک علی، محمد عتیق اور آغا ریحان گل کے بیانات قلمبند کیے۔

اس موقع پرعدالت نے کیس کے مزید گواہان کو بیانات قلمبند کروانے کے لیے طلب کرتے ہوئے سماعت31 مئی تک ملتوی کردی۔

عدالت میں پیشی کے موقع پر خواجہ سلمان رفیق نے میڈیا سے گفتگو کرتے ہوئے کہا کہ سپریم کورٹ کی راٸے کا احترام کرتے ہیں، الیکشن کمیشن میں اپنا کیس بھرپور طریقے سے لڑیں گے۔

ایک سوال کے جواب میں انہوں نے کہا کہ پنجاب حکومت کی عجیب صورتحال ہے جہاں اب تک کوٸی کابینہ موجود ہی نہیں ہے۔

Comments

یہ بھی پڑھیں