نظام الدین اولیاء کے سجادہ نشین کراچی پہنچ گئے khwaja nizamuddin
The news is by your side.

Advertisement

درگاہ نظام الدین کے لاپتا گدی نشین کراچی پہنچ گئے

کراچی : درگاہ حضرت نظام الدین اولیاء(نئی دہلی) کے گدی نشین آصف نظامی اوران کے ساتھی کراچی پہنچ گئے چند روزسے گدی نشین اوران کے ساتھی کی گمشدگی کی اطلاعات تھیں۔

تفصیلات کے مطابق درگاہ نظام الدین اولیاؒ کے گدی نشین آصف نظامی اور ان کے ساتھی ناظم نظامی اندرون سندھ اپنے مریدین سے ملاقات کیلئے گئے تھے جس کے بعد اب وہ کراچی پہنچ گئے ہیں۔

ان دونوں شخصیات کی آمد کے ساتھ ہی ان تمام شکوک وشبہات کا خاتمہ ہوگیا جس پر بھارتی میڈیا نے بہت شورمچائے رکھا، ذرائع کا کہنا ہے کہ آصف نظامی اورناظم نظامی اندرون سندھ قریبی رفقاء سے ملنے گئے تھے۔

وہ دونوں جس علاقے میں موجود تھے وہاں موبائل فون کی کوریج نہیں تھی، جس کے باعث ان کا رابطہ منقطع ہوگیا تھا اور وہ کسی کو اپنے بارے میں اطلاع نہ دے سکے، تاہم اب وہ خیریت سے کراچی واپس آ گئے ہیں۔

مزید پڑھیں : نظام الدین اولیاء کے سجادہ نشین پاکستان میں لاپتہ

آصف نظامی اور ناظم نظامی شیڈول کے مطابق 20مارچ کو واپس بھارت روانہ ہوں گے۔ یاد رہے کہ پاکستان میں قائم بھارتی ہائی کمیشن نے گزشتہ روز ان دونوں شخصیات کی گمشدگی کے حوالے سے پاکستانی دفترخارجہ کو آگاہ کیا تھا اور بھارت میں ان کے اہل خانہ نے بھی اپنی تشویش کا اظہار کیا تھا۔

Comments

comments

یہ بھی پڑھیں