خیبر ایجنسی میں پہلی مرتبہ پولیٹیکل ایجنٹ خیبرجیپ ریلی کا انعقاد -
The news is by your side.

Advertisement

خیبر ایجنسی میں پہلی مرتبہ پولیٹیکل ایجنٹ خیبرجیپ ریلی کا انعقاد

پشاور : خیبر ایجنسی میں امن کے پیغام کو فروغ دینے کیلئے پہلی مرتبہ جیپ ریلی کا انعقاد کیا گیا ہے، فرنٹیئر فور ویل کلب کے بابر غوری ریلی کے فاتح قرار پائے۔

تفصیلات کے مطابق فاٹا اور خیبر پختونخواہ کی تاریخ میں پہلی مرتبہ پولیٹیکل ایجنٹ خیبر جیپ ریلی منعقد کی گئی۔

پاک افغان بارڈر طورخم سے شروع ہونے والی ریس میں 80 جیپ ڈرائیورز نے اپنی مہارت دکھائی۔ ایجنسی کے مختلف حصوں میں بچوں اور نوجوانوں نے ریلی کے شرکاء کا بھر پوراستقبال کرتے ہوئے والہانہ طور پرخوشی کا اظہار کیا۔

جیب ڈرائیورز کے اعزاز میں پختونوں کا ثقافتی رقص بھی پیش کیا گیا۔ پینتالیس کلومیٹر فاصلہ پر محیط امن جیب ریلی کا اختتام باڑہ کے بیسہ والی کے مقام پر ہوا، حتمی نتیجہ کے مطابق فرنٹیئر فور ویل کلب کے ڈرائیور بابر غوری مقابلے کے فاتح قرار پائے۔

 

Comments

comments

یہ بھی پڑھیں