site
stats
پاکستان

خیبرایجنسی میں پاکستانی بارڈرپوسٹ پردہشتگردوں کاحملہ‘2اہلکار زخمی

خیبرایجنسی : پاکستان کے قبائلی علاقے خیبر ایجنسی میں پاکستانی بارڈرپوسٹ پردہشت گردوں کےحملےمیں دو اہلکارزخمی جبکہ فورسز کی جوابی کارروائی میں متعدد دہشت گرد ہلاک ہوئے ہیں۔

تفصیلات کےمطابق پاکستان میں وفاق کے زیرِانتظام قبائلی علاقے خیبر ایجنسی میں پاکستان کی بارڈر پوسٹ پر دہشت گردوں نے حملہ کیاجس میں ایف سی کے دو اہلکار زخمی ہوئے ہیں۔

پاک فوج کے شعبہ تعلقات عامہ کےمطابق پاکستانی بارڈر پوسٹ پر دہشت گردوں نے افغانستان سے حملہ کیا،فورسز کی جوابی کارروائی میں متعدد دہشت گرد مارےگئے ہیں۔

خیال رہےکہ اس سے قبل گزشتہ روز پاکستان نے افغانستان کے ساتھ ملنے والی اپنی سرحد غیرمعینہ مدت کے لیے بند کرنے کا اعلان کیاتھا۔

ڈی جی آئی ایس پی آر میجر جنرل آصف غفور نےپیغام میں کہاکہ یہ بندش فوری طور پر نافذ العمل ہو گی اور اس کی وجہ سکیورٹی خدشات بتائی گئی ہے۔

مزید پڑھیں: آواران، بارودی سرنگ دھماکا، کیپٹن اور دو فوجی اہلکار شہید

یاد رہےکہ گزشرتہ روز بلوچستان کے علاقے آواران میں فوجی قافلے کے قریب بارودی سرنگ کا دھماکا ہواتھاجس کے نتیجے میں ایک فوجی افسر سمیت تین سیکیورٹی اہلکار شہید ہوئے تھے۔

مزید پڑھیں:درگاہ لعل شہباز قلندر پر حملہ، 75 افراد شہید، 150 زخمی

واضح رہےکہ گزشتہ شب درگاہ حضرت لعل شہباز قلندرؒ میں دھمال کے دوران خودکش حملے کے باعث 75 افراد شہید اور 150 کے قریب زخمی ہوگئےتھے،جاں بحق افراد میں 20 بچے،9خواتین،45 مرد اور ایک پولیس اہلکار شامل ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top