پشاور : خیبر پختونخوا میں کورونا کیسز میں اضافے کے پیش نظر مختلف اضلاع میں اسکول 6 سے11ستمبر تک بند کرنے کا فیصلہ کرلیا گیا ، متاثرہ اضلاع میں پشاور، صوابی، سوات، مالاکنڈ،ہری پور،ایبٹ آباد، ڈی آئی خان اور مانسہرہ شامل ہیں۔
تفصیلات کے مطابق خیبر پختونخوا حکومت نے کورونا صورتحال کے پیش ںظر 8اضلاع میں اسکول 6 سے11ستمبر تک بند کرنے کا فیصلہ کرلیا ، اس حوالے سے وزیر تعلیم خیبر پختونخوا شہرام ترکئی نے کہا ہے کہ فیصلہ کورونا کیسز زیادہ ہونے کی وجہ سے کیا گیا ہے۔
شہرام ترکئی کا کہنا تھا کہ ان اضلاع میں پشاور،صوابی،سوات،مالاکنڈ،ہری پور،ایبٹ آباد، ڈی آئی خان اور مانسہرہ شامل ہیں تاہم کم کوروناوالےاضلاع میں تعلیمی سرگرمیاں جاری رہیں گے۔
گذشتہ روز خیبرپختونخوا کے کئی اضلاع میں جامعات اور کالجز بند کرنے کا فیصلہ کیا گیا تھا ، اعلامیہ میں کہا گیا تھا کہ جامعات بند کرنےکا فیصلہ کورونا کے بڑھتے کیسز کے پیش نظر کیا گیا ہے۔ مذکورہ اضلاع میں فزیکل کلاسز کا اہتمام نہیں کیا جائےگا۔
اس سے قبل پنجاب اور اسلام آباد میں کورونا کی بگڑتی صورتحال کے پیش نظر تمام تعلیمی ادارے 6 سے 11 ستمبر تک بند کرنے کا اعلان کیا گیا تھا۔
