قائد اعظم ٹرافی میں ناردرن کو شکست دے کر خیبرپختونخوا نےٹائٹل کا کامیابی سےدفاع کر لیا۔
کراچی کے نیشنل اسٹیڈیم میں کھیلے گئے میچ کے آخری روز خیبرپختونخوا کے بولرز نے عمدہ کارکردگی کا مظاہرہ کرتے ہوئے ناردرن کو 169 سے ہرا دیا۔
ناردرن کی ٹیم 384 رنز کے تعاقب میں 214 رنز پر ڈھیر ہو گئی، محمدہریرہ57 اور فرحان ریاض49 رنز بنا سکے۔ ساجدخان نے 5، افتخار اور وسیم جونیئر نے 2،2 وکٹیں حاصل کیں۔
The WINNING moment! Khyber Pakhtunkhwa are the Quaid-e-Azam Trophy 2021-22 CHAMPIONS! pic.twitter.com/nR3x5I9g0N
— Pakistan Cricket (@TheRealPCB) December 29, 2021
اس سے قبل خیبرپختونخوا دوسری اننگز میں 265 بنا کر آؤٹ ہوئی تھی اور ناردرن کو جیت کے لیے 384 رنز کا ہدف ملا تھا۔
پہلی اننگز میں افتخار احمد کی سنچری کی بدولت خیبر پختونوخواہ نے 374 رنز بنائے تھے. جواب میں ناردرن کی پوری ٹیم 256 رنز بنا کر آؤٹ ہوگئی تھی. حیدر علی 81 رنز بنا کر آؤٹ ہوئے تھے.
ناردرن کے مبصر خان کو ٹورنامنٹ کا بہترین کھلاڑی، اوپنر محمد حریرہ کو ایونٹ کا بہترین بیٹر جبکہ روحیل نزیر بہترین وکٹ کیپر قرار دیا گیا. فائنل میں سنچری اور دو وکٹیں حاصل کرنے پر خیبر پختونوخواہ کے کپتان افتخار احمد کو پلیئر آف دی فائنل جبکہ علی عثمان کو بہترین باؤلر کا انعام دیا گیا.
ایونٹ کی فاتح ٹیم کو ایک کروڑ روپے جبکہ رنرزاپ کو پچاس لاکھ روپے کا انعام دیا گیا.
اس کامیابی کے ساتھ خیبرپختونخوا نے ڈومیسٹک میں مسلسل5 واں ٹائٹل جیت لیا ہے۔
An enterprising half-century by @therealhurraira has provided Northern a promising start in their 384-run chase. #NORvKP#QeAT pic.twitter.com/fSvYWiYcPd
— Pakistan Cricket (@TheRealPCB) December 29, 2021
