The news is by your side.

Advertisement

کک باکسنگ مقابلے میں پاکستان نے بھارت کو شکست دے دی

بنکاک: تھائی لینڈ میں کھیلے جانے والی چوتھی بین الاقوامی مارشل آرٹ چیمپئن ششپ میں کک باکسنگ کے مقابلے میں پاکستان نے بھارت کو شکست دے دی۔

تفصیلات کے مطابق سندھ پولیس کے ایس ایس یو کمانڈو سعید خان نے نمبٹ نیشنل اسٹیڈیم بنکاک میں منعقدہ چوتھی بین الاقوامی مارشل آرٹ چیمپئن شپ کے کک باکسنگ مقابلے میں حصہ لے کر پاکستان کی نمائندگی کی۔

سندھ پولیس کے ایس ایس کمانڈو سعید خان نے مقابلے میں کیوی کھلاڑی کو بھی شکست سے دوچار کیا۔

مقابلے میں پاکستانی کک باکسرز نے روایتی حریف بھارت کے کھلاڑی تیجاسوی واسو شیمہ کو باآسانی شکست دی۔

پہلے راؤنڈ کے دو منٹ میں سعید خان نے مارشل آرٹ کی تیکنیکیوں کو بہترین طریقے سے استعمال میں لاتے ہوئے انتہائی دلکش کھیل پیش کیا اور کامیابی اپنے نام کی۔

سندھ پولیس کے ایس ایس کمانڈو سعید خان نے مقابلے میں کیوی کھلاڑی کو بھی شکست سے دوچار کیا۔

مقابلے میں کامیابی حاصل کرنے پر آئی جی سندھ کلیم امام نے ایس ایس یو کمانڈو سعید خان کو مجموعی کارکردگی کو سراہتے ہوئے شاباش دی اور نقد رقم دینے کا اعلان کیا۔

Comments

comments

یہ بھی پڑھیں