بچوں کا اغوا جاری، ڈی جی خان میں اسپتال سے نومولود اغوا -
The news is by your side.

Advertisement

بچوں کا اغوا جاری، ڈی جی خان میں اسپتال سے نومولود اغوا

ڈی جی خان: پنجاب میں بچوں کی گمشدگی کے واقعات کم نہ ہوسکے، ڈیرہ غازی خان کے اسپتال سے نوزائیدہ بچہ اغوا ہوگیا، فیصل آباد میں گھر سے بھاگنے والے دو بچوں کو پولیس نے تحویل میں لے لیا۔

اطلاعات کے مطابق ڈیرہ غازی خان میں اسپتال سے نوزائیدہ بچہ اغوا کرلیا گیا، مغوی بچے کے والد نے الزام عائد کیا کہ اس کا بچہ نامعلوم خاتون اغوا کرکے لے گئی پولیس نے بچے اور خاتون کی تلاش شروع کردی۔

پولیس کے مطابق بچے گھریلو ملازم ہیں مالکان کی ڈانٹ ڈپٹ پر گھر سے بھاگے، فیصل آباد بکرا منڈی چوک سے بھی ملنے والے بچے اغوا نہیں ہوئے گھر سے بھاگے تھے۔

ڈیرہ غازی خان میں ہی اکیڈمی جانے والے دو بھائی لاپتا ہوگئے، پولیس نے لاپتا ہونے والے دونوں بھائیوں کے گمشدگی کی ایف آر درج کرلی۔

دوسری جانب ملتان میں شہریوں نے مبینہ اغوا کار کو پکڑ کر تشدد کے بعد پولیس کے حوالے کردیا، جبکہ گوجرانوالہ میں بچے کو اغوا کرنے کی کوشش کرنے والے دو افراد کو شہریوں نے دھر لیا اور دونوں افراد کو خوب تشدد کے بعد پولیس کے حوالے کر دیا۔پولیس کے مطابق دونوں ملزمان سے تفتیش جاری ہے تاہم وہ اغوا کار نہیں لگتے۔

Comments

comments

یہ بھی پڑھیں