The news is by your side.

Advertisement

کراچی میں اغوا ہونے والی بچی مل گئی

کراچی کے علاقے کیماڑی مچھر کالونی سے لاپتہ ہونے والی ایک سالہ بچی جنت مل گئی۔

ماں کے دل کو قرار آگیا، اتوار سے لاپتہ ہونے والی ننھی بچی کو نامعلوم افراد گھر کے قریب چھوڑ کر غائب ‏ہوگئے۔

پولیس کا کہنا ہے کہ اہلِ محلہ نے اطلاع دی کہ ایک روتی ہوئی بچی ملی ہے اور نامعلوم افراد اسے چھوڑ کر چلے ‏گئے ہیں جس پر مقامی تھانے کی پولیس علاقے میں پہنچی اور بچی کو اس کے گھر پہنچا دیا۔

پولیس کا کہنا ہے کہ ایک سالہ جنت کو اہلخانہ کے حوالے کر دیا گیا ہے اور معاملے کی مختلف پہلوؤں سے ‏تحقیقات کی جارہی ہیں۔

جنت کے اہلخانہ کے مطابق اتوار کی شام وہ اپنے پانچ سالہ بھائی عمیر کے ساتھ گلی میں چیز لینے گئی تھی جہاں سے برقع پوش خاتون اسے اغوا کرکے لے گئی۔

اہلخانہ کا کہنا ہے کہ انہوں نے مچھر کالونی اور اطراف کے علاقوں میں جنت کے اغوا کے پمفلٹس اور بینرز لگا دیے ہیں لیکن پولیس بچی کی بازیابی کے لیے کوئی اقدامات نہیں کررہی۔

بچی کے ماموں نے اے آر وائی نیوز سے گفتگو کرتے ہوئے بتایا کہ کالے برقعے میں ملبوس عورت نے پانچ سالہ عمیر کو دس روپے دے کر کہا کہ دکان سے بسکٹ لاؤ یہ بچی مجھے دے دو، جب عمیر دکان کی طرف جانے لگا تو عورت نے بھاگنے کی کوشش کی بچہ خاتون کی طرف دوڑا تو اس نے عمیر پر تشدد کیا اور جنت کو اپنے ساتھ لے گئی۔

بچی کے اغوا کے واقعے پر پی ٹی آئی رکن سندھ اسمبلی راجہ اظہر نے برہمی کا اظہار کرتے ہوئے کہا کہ بچی دو روز پہلے اغوا ہوئی، پولیس کی غفلت کی مذمت کرتے ہیں۔

Comments

یہ بھی پڑھیں