kidnap کراچی : پولیس اہلکاروں نے تاوان کیلئے شہری کو اغواء کرلیا feeroz
The news is by your side.

Advertisement

کراچی : پولیس اہلکاروں نے تاوان کیلئے شہری کو اغواء کرلیا

کراچی : فیروز آباد تھانے کے اہلکاروں نے تاوان کی وصولی کیلئے شہری کو اغواء کرلیا، مجسٹریٹ نے فوری کارروائی کرتے ہوئے مغوی کو بازیاب اور چاراہلکاروں کو گرفتار کرلیا۔

تفصیلات کے مطابق شہر قائد میں اغواء کی ایک عجیب واردات پیش آئی۔ پولیس نے ہی شہری کو تاوان کیلئے اغواء کرلیا، سیشن جج کے حکم پر جوڈیشل مجسٹریٹ کراچی شرقی نے فیروز آباد پولیس اسٹیشن پر چھاپہ مار کر باورچی خانے سے بازیاب کرالیا۔

تھانہ فیروز آباد تھانے کے پولیس اہلکاروں نے شہری کو بیس لاکھ روپے تاوان کے لئے اغوا کیا تھا۔ اطلاع ملنے پر جوڈیشل مجسٹریٹ نے تھانے پر چھاپہ مارا اور مغوی کو بازیاب کرالیا۔


مزید پڑھیں: پروٹوکول کےدرمیان گاڑی آنے پرپولیس اہلکار کا ڈرائیورپرتشدد


مغوی نے میڈیا کو بتایا کہ اغواء کاروں نے مجھے چھوڑنے کے لیے بیس لاکھ روپے کا مطالبہ کیا اور اس کے لیے تین بار فون کیا لیکن جگہ کا تعین نہیں کیا تاہم پھرمیری اہلیہ کو تاوان کی رقم لے کر فیروز آباد پولیس اسٹیشن پہنچنے کے لیے کہا گیا۔


مزید پڑھیں: پولیس مقابلہ: پی پی رہنما کا بیٹا بازیاب، 5 اغواء کارہلاک


چھاپہ پڑنے پر تھانے میں ہلچل مچ گئی، اس دوران تھانے میں موجود چار اہلکار پکڑے گئے جبکہ چار اہلکار فرار ہونے میں کامیاب ہوگئے، جوڈیشل مجسٹریٹ نے ملوث اہلکاروں کی فوری گرفتاری کے احکامات جاری کردئیے ہیں۔

Comments

comments

یہ بھی پڑھیں