The news is by your side.

Advertisement

لاہورمیں بچہ اغوا، تاوان کے عوض رہا

لاہور: لاہور میں بچوں کے اغوا کے واقعات تھم نہ سکے ،17 روز قبل ہربنس پورہ سے لاپتا ہونے والے 13 سالہ شہریار کو پولیس ڈھونڈنے میں ناکام رہی تو دوسری جانب اقبال ٹاﺅن سے چھ سالہ محمدعلی کو بھی گن پوائنٹ پر اغوا کر لیا گیا جسے تاوان کی ادائیگی کے بعد اغوکار سنسان جگہ چھوڑ گئے۔

لاہور کے علاقے ہربنس پورہ سے سترہ روز قبل لاپتا ہونے والے تیراسالہ محمد شہریار کے اغوا کا مقدمہ بچے کے والد اقبال حسین کی مدعیت میں تھانہ ہربنس پورہ میں درج ہے۔

شہریا ر کے والد نے الزام عائد کیا ہے کہ پولیس بچے کو ڈھونڈنے میں کردار ادا نہیں کر رہی۔

دوسری جانب اقبال ٹاﺅن نیلم بلاک سے نرسری جماعت کے طالب علم چھ سالہ بچے کو نامعلوم افراد اسلحہ کے زور پر رکشا ڈرائیور سے چھین کر فرار ہوگئے، بچہ اسکول سے گھر جا رہا تھا، بچے کے اغوا کی درخواست اس کے اہل خانہ کی جانب سے تھانہ اقبال ٹاﺅن میں دے دی گئی۔

نمائندہ لاہور احمر کھوکھر کے مطابق بچے کو اہل خانہ نے تاوان دے کر رہا کرالیا ہے،اغوا کے بارہ گھنٹے کے بعد ملزمان کو اہل خانہ نے تاوان کی ادائیگی کردی جس کے بعد ملزمان بچے کو سنسان جگہ چھوڑ کر چلے گئے جہاں سے پولیس نے بچے کو لے کر اہل خانہ کے حوالے کردیا۔

Comments

comments

یہ بھی پڑھیں