The news is by your side.

Advertisement

آپریشن کے بہانے خاتون کا گردہ چوری

راولپنڈی: نجی کلینک میں گردوں کے امراض میں مبتلا مریضوں کے گردے نکال کر فروخت کرنے کا ہولناک انکشاف ہوا ہے،کلینک میں یہ گھناؤنا عمل کافی عرصے سے جاری تھا۔

تفصیلات کے مطابق راولپنڈی میں واقع ایک نجی کلینک میں خاتون مریضہ کو گردے کی پتھری نکالنے کے لیے لایا گیا تھا جہاں آپریشن کے بعد خاتون کو ڈسچارج کردیا گیا تاہم کچھ عرصے بعد دوبارہ تکلیف میں مبتلا ہونے ہر جب دوسرے اسپتال میں تشخیص کروائی گئی تو پتا چلا کہ مریضہ کا گردہ ہی غائب ہے۔

اے آر وائی کے رپورٹر بابر ملک کے مطابق نجی کلینک معروف آرتھو پیڈک سرجن کا ہے جو سرکاری اسپتال میں خدمات انجام دینے کے بعد ریٹائرڈ ہو چکے ہیں تا ہم انہوں نے یہ کلینک مع آپریشن تھیٹر دوران ملازمت ہی تیار کروالیا تھا۔

مریضوں کا کہنا ہے کہ اس کلینک میں گردے سے پتھری نکالنے کے آپریشن کیے جاتے تھے، یہ مریض پہلے سرکاری اسپتال علاج کے لیے جاتے جہاں آرتھو پیڈک سرجن ڈاکٹر فضل الہی کے ایجنٹ مریضوں کو کلینک کا پتا بتاتے اور یوں ان غریب مریضوں کی گردے کی پتھری نکالنے کے بہانے گردہ ہی نکال لیا جاتا تھا۔

مریضوں نے یہ بھی الزام عائد کیا کہ مذکورہ کلینک میں غریب لوگوں کے گردے خریدنے کا گھناؤنا کاروبا کیا جاتا ہے تا ہم اس حوالے سے کوئی رپورٹ درج نہیں ہو ئی ہے البتہ پولیس نے عبد اللہ نامی شخص کی درخواست پر کلینک پر چھاپہ مار کر ایک گردہ برآمد کر لیا ہے۔

ایک شخص عبد اللہ کا دعویٰ ہے کہ بر آمد کیا گیا گردہ اُس کی ماں کا ہے جو چند روز قبل کیلنک میں پھرتی نکلوانے کا آپریشن کروانے آئی تھیں لیکن جب دوسرے اسپتال میں الٹرا ساؤنڈ ہوا تو گردہ ہی غائب تھا۔

Print Friendly, PDF & Email

Comments

comments

یہ بھی پڑھیں