بھارت کے دارالحکومت نئی دہلی میں پولیس کی کرائم برانچ نے غریبوں کے گردے نکال کر انہیں بیچنے والی خاتون ڈاکٹر کو گرفتار کر لیا۔

میڈیا رپورٹس کے مطابق پولیس نے بتایا کہ ملزمہ ڈاکٹر کے علاوہ دیگر 6 افراد کو بھی حراست میں لیا گیا جو اس غیر قانونی کام میں ملوث تھے۔

پولیس نے بتایا کہ بین الاقوامی کڈنی ٹرانسپلانٹ گروہ کا تعلق نئی دہلی سے بنگلہ دیش تک جڑا ہے، ڈاکٹر کی عمر 50 سال ہے اور ان کا تعلق چنئی سے ہے۔

ڈاکٹر کے ہمراہ اس کے 3 ساتھیوں کو بھی گرفتار کیا گیا جن میں سے ایک مترجم ہے۔ پولیس نے 3 بنگلہ دیشی شہریوں کو بھی گرفتار کیا جو بنگلہ دیش سے ہی گردے کے مریضوں اور ڈونرز کو بھارت لاتے تھے۔

پولیس نے مطابق خاتون ڈاکٹر اب تک 15 سے 16 گردے ٹرانسپلانٹ کر چکی ہیں۔

گروہ بنگلہ دیش کے ایک کلینک میں غریبوں سے گردے کی پیوند کاری کیلیے رابطہ کرتا تھا، بعدازاں وہ انہیں پیسوں اور نوکری کا لالچ دے کر انڈیا لاتا تھا جہاں ان کے گردے نکال لیے جاتے۔

پولیس کے مطابق ملزمان یہ کام 2019 سے کر رہے تھے۔