کراچی میں قربانی کے جانور کے ساتھ ’کی کی‘ چیلنج: KIKI Challenge
The news is by your side.

Advertisement

کراچی میں قربانی کے جانور کے ساتھ ’کی کی‘ چیلنج

کراچی: شہر قائد میں ’کی کی‘ چیلنج کے دیوانے شہری نے قربانی کے لیے لائے جانور کو بھی نہیں چھوڑا اور گائے کے ساتھ چیلنج کو پورا کیا۔

تفصیلات کے مطابق کراچی میں ’’کی کی‘‘ چیلنج کے دیوانے شہری نے قربانی کے لیے خریدے گئے جانور کے ساتھ منفرد فوٹیج بنوائی۔

گاڑی کے ساتھ چلتے ہوئے کی کی چیلنج کے لیے قربانی کے جانور کو بھی واک کرائی، جس کی ویڈیو نے سوشل میڈیا پر کافی پزیرائی حاصل کی۔

یاد رہے کہ سوشل میڈیا پر کینیڈین ریپر کے مشہور گانے ’ان مائی فیلنگ‘ پر کیا جانے والا کی کی ڈانس کا جادو سر چڑھ کر بول رہا ہے، مختلف ممالک کے نوجوان ’کی کی ڈانس‘ چیلنج کو قبول کرتے ہوئے رقص کررہے تھے، جن میں سے متعدد نوجوان حادثات کا ہورہے ہیں۔

کی کی ڈانس کے بعد منہ کے بل گرنے کا چیلنج سوشل میڈیا پر مقبول

خیال رہے کہ کی کی ڈانس کے دوران ڈانس کرنے والا شخص ہلکی رفتار سے چلتی ہوئی کار سے باہر آتا ہے اور میوزک پر ڈانس کرتا ہے۔

علاوہ ازیں پاکستان اور دیگر ممالک میں آج یعنی 22 اگست بروز بدھ فرزندانِ اسلامی عید قرباں اسلامی تعلیمات کے عین مطابق مذہبی جوش و جذبے کے ساتھ مناتے ہوئے اللہ کے حضور جانور قربان کریں گے تاکہ رب کی خوشنودی حاصل کرسکیں۔

واضح رہے کہ عید قرباں کی مناسبت سے صدر مملکت، وزیراعظم، وفاقی وزرا، سیاسی جماعتوں کے قائدین و رہنماؤں معروف شخصیات سمیت مسلح افواج کے سربراہان نے پرمسرت موقع پر قوم کے نام مبارک باد کے تہنیتی پیغامات جاری کیے۔

Comments

comments

یہ بھی پڑھیں