The news is by your side.

Advertisement

بھارتی گلوکار کا استاد نصرت فتح علی کو شاندار خراج تحسین

ممبئی: بھارتی گلوکار کیلاش کھیر نے معروف پاکستانی قوال و سنگر استاد نصرت فتح علی خان کے یومِ پیدائش کے موقع اپنی محبت اور احترام کا اظہار کرتے ہوئے اُن کا کلام پڑھتے ہوئے خراج تحسین  پیش کیا۔

تفصیلات کے مطابق دنیا بھر اور خصوصاً برصغیر میں اپنے منفرد انداز سے قوالی و گانے پیش کرنے والے پاکستانی گلوکار استاد نصرت فتح علی خان کے یومِ پیدائش کے موقع پر بھارتی گلوکار کیلاش کھیر نے اُن سے اپنی والہانہ محبت و عقیدت کا اظہار کیا۔

پڑھیں:  معروف قوال نصرت فتح علی خان کی آج 68 ویں سالگرہ ہے

 بھارتی ریڈیو کو دئیے گئے انٹرویو میں کیلاش کھیر نے کہا کہ ’’پنڈت کمار گندھاروا اور استاد نصرت فتح علی کان کو سننے کے لیے میں نے گلوکاری کا آغاز کیا اور اُن کے کلام سے ہمیشہ سیکھنے کی کوشش کی تاہم یہ سلسلہ آج بھی جاری ہے‘‘۔


بھارتی گلوکار کا کہنا تھاکہ ’’یہ بات کسی حیرت سے کم نہیں کہ ایک گلوکار اپنے کلام کے ذریعے بامعنی اور گہری سوچ کا اظہار باآسانی کرتے ہوئے مداحوں کے غموں کو دور کرنے کی کوشش کرتا ہے، ایسے افراد کسی ایک خطے کے نہیں ہوتے بلکہ ان کی شخصیت دنیا بھر میں ایک الگ مقام رکھتی ہے‘‘۔

بھارت میں جاری ہندو انتہاء پسندوں تنظیموں کے پاکستانی فنکاروں کے دھمکی آمیز رویے کے باوجود بھارتی گلوکار نے برصغیر کے مایہ ناز قوال استاد نصرت فتح علی خان سے اپنی والہانہ محبت، عقیدت اور روحانی وابستگی کا خوبصورت انداز میں اظہار کرتے ہوئے مودی سرکار اور بھارتی جنگی جرائم کو مسترد کردیا۔

 

Comments

comments

یہ بھی پڑھیں